minare seday sełaş sed terzen
From the Book:
Dîwanî Mewlewî
By:
Mawlawi Tawagozi (1806-1882)
1 minutes
979 views
minare, seday sełaş sed terzen
mizgî, ce şadî demaxiş berzen
mey ne xum çun min ne xem esîren
meyxane sefaş xeylê diłgîren
lûley terawîḧ weşweş mido deng
bê’ahengen tar temûrey aheng
merḧebay lîbas ta’et poşanen
elweday kaskas bade noşanen
saqî, sa sed car we nazit nazû
hurder we gułbang seday ûەامْtazuwaArabic
tuřřet ne řûy xał cebîn serawêz
pyałet çun cam «keç dar û merêz»
sitaret ne şew tuřřey qetranî
hweyda û penhan şems pêşanî
hîlal ne pay şew nesîm boy nafda
binman new şefeq badekey safda
hey hîlal, hey ’îd, xêzo ce yaran
we řeẍmî giroy perhêzgaran
şadî der we dił lay meyxaranda
xefet der we cerg řozedaranda