ziłêxam sawan
From the Book:
Dîwanî Bêsaranî
By:
Mustafa Besarani (1643-1702)
1 minutes
700 views
ziłêxam sawan ...
dû dîdeş wêney weledey sawan
kam weled? ane xesten, pey awan?
her ew naf mewzo sub ne serawan
xeramanî mest, ciqey naf be doş
qinyat we sunbuł, çûzey nêrgiz noş
wełgî guł ce bêx, be heře kende
sadar, sersam, sayey wêş mende
deyrî dîdewan, řewêłey xuten
bêzar ce zamen, dûr keftey weten
zamen ne cebel seyadî tundixû
kemter we gurîz, pakêşî tîz dû
sersam, bê hoş, xawêr û melûl
şew xawgey mekoş pay bargey balûl
qudret be kerem, bebê hemtayît
be dayerey çerx heftem semayît
ew weledey şox, weḧşî xeyał xam
pey saknî dił bigêreş ne dam