ziłêxam zunnar
From the Book:
Dîwanî Bêsaranî
By:
Mustafa Besarani (1643-1702)
1 minutes
797 views
ziłêxam zunnar ...
perê dînî to, bestenim zunnar
bê xewf ce taney řeqîb û eẍyar
ha şîm ne mezheb tayfey kuffar
çûn şêxî sen’an berşyam ce dîn
poşam xerqey kufir, tersay bê ayîn
neřay dînî to ha bestim kemer
berşyam ce dîn xuda û pêẍember
pey çêş? pey ḧełqey zułfî piř çînit
tarîkîy kuffar, dewrî cemînit
ta ke bwaçan neřûy serzemîn
kesê pey kesê berşyen ce dîn
hîç nedarûn bak tom qibûł kerden
her tom xeyałen, ta we řoy merden
wegerne to hîç ḧałim nezanî
be wêney mecnûn dax pêm menmanî
ewsa cew dima wesêtim xaken
ta merg saman dîdem nimnaken
ta ew řo xakim bişo ne dîde
eragêłî tom, leb berguzîde