řêḧanî bê gerd
From the Book:
Dîwanî Bêsaranî
By:
Mustafa Besarani (1643-1702)
1 minutes
769 views
řêḧanî bê gerd ...
řêḧanî pel dêz qetranî bê gerd
mezanî be wêt wextî xore zerd
mebot we mîhman, ziłêxay ham derd
horgêrdit ne xak, keftey řûy zemîn
mepêçût be çîn kiłafey muşkîn
wêney zułfî wêş pêçnot be deste
bo menyo nebot çûn awat weste
dirêẍa bidyat ne řûy ser zemîn
mepêçay ne çîn kiłafey muşkîn
řêḧan beşqî ḧeq çêwî persû lêt
boy leyl weşteren, ya boy bergî wêt?
řêḧan wat ce min çûn persat hewał
be danay dawer berzî bê mîsał
bew şa bêgerden, neza û nemerden
minşan ce ezret zułfî leyl kerden