çiraẍim řoyê ce sub seḧerda
From the Book:
Dîwanî Bêsaranî
By:
Mustafa Besarani (1643-1702)
1 minutes
729 views
çiraẍim řoyê ce sub seḧerda
naga xedengiş berd we cigerda
ciger penhan kerd, mer dił nezano
bê řamen, neba çeneş bisano
dił derlad, zana, horêza be ceng
girt be destewe ser faqey xedeng
mekêşoş be doş ne xewfî ciger
ciger sext girten, nimeyo we ber
çunkû nîhanî derûnşanen
damanim gułgûn be hûnşanen
fîday şestit bam, hey xedeng we dest
xedengyo henît, ba berşo ce dest
bere be diłda be wêney ciger
ta cewr û cefam naweran we ser