çiraẍim aman
From the Book:
Dîwanî Bêsaranî
By:
Mustafa Besarani (1643-1702)
1 minutes
828 views
çiraẍim aman ...
amanet ferzen aman sed aman
wesêtim îden destim be daman
bey weser giłkom sewłî xeraman
esrîn ce dîdey xeramanî to
ce ser bitkêw bigno we giłko
er xełkan persan leyłî çêş byen
waçe hey merdim zor wenem şyen
îne ẍułamên be taze merden
daxî dîdey min, be giłko berden
îse hane jêr textepoşî seng
ne qebrî tarîk bê dawaw bê deng
be dergay fełek zar zar binałe
dû gêsûy syat weřûy xak małe
waçe xudawend buyer ce gunaş
çunke cey dinya firem dan sizaş