çiraẍ wenewşe çinûr çenî gul
From the Book:
Dîwanî Bêsaranî
By:
Mustafa Besarani (1643-1702)
1 minutes
1840 views
çiraẍ wenewşe çinûr çenî gul
’ezim řay wîsał toşan ha ne dił
çinûr ce serko wenewşe ce çem
guł ce gułistan wehem byen cem
watşan be min bendey fiłanî
çûn ḧał zanenî be ḧał mezanî
bo ne řay ełła bikere karê
byawmê be wesił ew diłber carê
çiraẍ ha her sêm besten be deste
çi deste? destey zigaran beste
her sêm awerden çûn xaksaran
her yek wayey wê we çem medaran
çinûr pey zułifit peşêw ḧałşen
wenewşe sewday xał xeyałşen
guł pey cemînit mesoço çûn şem
ce dûrît nîşten ne pay xarî xem
saḧîb payenî, biłind bo payet
bawaye gêran her yo ce mayet