bay şemał tay zułf
From the Book:
Dîwanî Bêsaranî
By:
Mustafa Besarani (1643-1702)
1 minutes
1919 views
bay şemał tay zułf ...
destim damanit tayê ce tay zułf
qetranî şewřeng, werdey ser kułf
sitem zedey dest naxun kendey tułf
wextê megêro tułf we sînewe
sa tułf mekêşo, zułf be qînewe
ewsa me gêro kiłafey kułfiş
lazim mederu be destî, zułfiş
sake megêro mekêşoş be qest
ḧazir be newca bistanş ce dest
bawereş perêm, çûn teyrî tîj bał
hêmay dił yekser nebyen be zuxał