îmşew ayrê giř best ne derûn
From the Book:
Dîwanî Bêsaranî
By:
Mustafa Besarani (1643-1702)
1 minutes
1462 views
îmşew ayrê giř best ne derûn
biłêseş yawa be seqfî gerdûn
ce kûrey ayr, ce biłêsey nar
sitêzam çûn berq, aw kerdim hawar
ce hawar hawar şefa û lałey min
ce hey aw hey aw, şîn û nałey min
timez mejnewo yek xudatersê
musłiman sîfet řagey ḧeq persê
mawero gozey neftî beytulmał
meşano we řûy giř bestey şemał
pêse mezanu ye gozey awan
nimez xo ye neft tewen pê tawen
gozey neftiş kerd we biłêsemda
qirçey gozey neft we sitêzemda
her ta seḧer bî, her sozam be soz
seḧer sifte kom ba berdiş çûn toz
her kes wêney min îqbałş çeften
newaço hey aw, nesîbiş neften