sułtanî hemû seruqedan mahî ḧesarî
From the Book:
Dîwanî Wefayî
By:
Wafayi (1844-1902)
2 minutes
1050 views
sułtanî hemû seruqedan mahî ḧesarî
çawî ke ẍezałn degirin şêrî şikarî
bo hetkî řyazî çemen û badî beharî
zulfî ke hewa xistye ser ẍunçeyî zarî
her leḧze le xendêkî guł û nafe debarî
guł hate derê lafî le ḧusnî butî ma da
lerzî qedî berzî le řiqan zulfî ke bada
’etrêkî le dem perçem û egrîce be ba da
çîn û xuten û hîndî be şabaşî seba da
yekser hemû ’alem ke buwe mîşkî tetarî
le’il û şeker û zarî ke wek fîkirî deqîqe
şubhey nîye ew merkeze peřgarî ’eqîqe
ew sebze leser ew lebe wek řaḧî řeḧîqe
her cewhere, cewher xete, xet muşkî ’ebîqe
yaqûtî gułim neqşe legeł xettî ẍubarî
bo hetkî řyazî xuten û kanî bedexşan
wek leşkirî hînd û ḧebeşin, germî temaşan
têkeł bûn zeřře û xurşîdî direxşan
ya zulfîye bê şane leser şanî perêşan
wa dên û deçin herdû leser zar û ’îzarî
perçem ḧebeşî zade, feřengî butî zîbam
serḧełqeyî şoxanî perî çêhre guł’endam
pêm kut: çîye em nuqte lenêw dû leb û yek cam?
fermûy ewe nuktêke be dû lêwî şekerxam
ta maçî nekey nageye ser ḧîkmetî barî
badî seḧerî hat û dił û řûḧî menî da
’etrî guł û gułzarî xeta û xutenî da
yan destî le dugmey wereqî pîrehenî da
yekser hemû ’alem gułî cennet şikenî da
baẍî semen û yasemen û sêw û henarî
fermûye wefayîPen name ke debê ehlî nezer bê
’aşiq eweta hemdemî enfasî seḧer bê
sêławî siruşkî hemû xwênawî ciger bê
bo tewfî řyazî ḧeremî qîble leber bê
ew se’ye sefay ’umre eger ’aşiqî yarî
dem ẍunçeyî neşkufteyî gułzarî cemałe
ebro çîye mîḧrabî du’ay nêrgisî kałe
qednarewenî newřesî baxî xet û xałe
nêrgis be řwanîn xeteratî ser û małe
yekser hemû ’alem ke buwe mîşkî tetarî
min ’aşiqî řûtim wekû perwane wefayîPen name
bîmarî nîgahim be ẍezalanî xetayî
to bî û serî xot ey gułî serpence ḧenayî
çît dîwe xeta memxere zîndanî cudayî
binwêne wîsalit ke leser we’deyî parî