ey cennetî ’eyşî ebedim řêguzerî to
From the Book:
Dîwanî Wefayî
By:
Wafayi (1844-1902)
2 minutes
1855 views
ey cennetî ’eyşî ebedim řêguzerî to
nûrî nezerim, tacî serim, xakî derî to
bew qamete xał û xetî řûy to ke debînim
her gułşenî fîrdewse be nexlî şecerî to
serwî sehî, qurban! eger azade edî boç
badam û guł û sunbul û nesrîne berî to?
dedrewşê le nêw zulfî řeşt areqî gerden
xo her şewe peyda bû sitarey seḧerî to?
nazanim eto bo çî be leb û qametî şîrîn?
ẍunçey şecerî, ya ne gułî neyşekerî to?
ew çawe ke wa meste be ḧusnî řuxî zîba
daxo çi bika fîtney dewrî qemerî to?
tuxuda demeket derxe le nêw tuřře bizanim
tamî çîye ew ḧuqqeyî şîr û şekerî to
xo seydî ḧeřem qetłî ḧerame! edî zulifit
kafir ke nebû bo çî minî kuşt le derî to?
ew řoje be zunnarewe min çûme xerabat
zulifit minî kêşa be îşarey nezerî to
bo min ke nebê we’deyî dîdarî cemałit
çi bikem le beheşt û nezerî ḧûr û perî to?
qet guł be řuxî to nebuwe, seru be bałat
serwêke řewan bexşe gułî sîmberî to
bo qîbleyî lay řûte hemû se’îy wefayîPen name
’umrem be xuda ’eynî sefa wa le derî to