xoşim dewêy, lêşt tûřem

dîsan dûkełêkî řeş û henasey to,
dîsan kołanî ẍerîbî û sêberî to,
dîsan cantay awareyî û serşanî to,
dîsan, dîsan
zarî kirawey kelebçe û
destanî to.to çende barêkî qursî
beser laşanî ẍemewe.
çemołeyekî çend monî
be nêw çawanî temewe.=2
hewr wek to
be giryan aşna nîye.
jan wekû to
be naxî hîç birînêkda řoneçuwe.
hîç bêşeyek
le xezanî temenîdanîw ‌hêndî to
geła û lik û poy azarî
newerîwe.to çende barêkî qursî
beser laşanî ẍemewe
çemołeyekî çend monî be nêw çawanî temewe.=3
awyer neytiwanî ‌‌‌ẍemî to le koł binê,
nardî bo ser şanî dimdim.
zirêbar le destî nehat
tozî ẍemî ser sîmay winbûy to bişwa,
le nêw zeryaçey wirmêy xist.
lew katewe
min awarem
be şwên çya û deryayekî efsaneyî!=4
çon kołekey saway bejnim
em asmaney ẍemî toy pê řadegîrê?
kwa be kanyawî çawanim
deryay firmêskî ẍemî to
hełdegîrê?=5
lenêw letî awêney çarenûstida
xot lê win buwe,
bîr û hengawî to, hergîz
yektiryan pê nedozrawe,
řêga legeł
řêbwarî sałanî pêşûy
aşt nekirawe.=6
natwanim dest le destit nêm:
polûyekî geşaweye, demsûtênê.
natwanim na, nizîkit bim,
em henaset
tenûrêkî qangidrawe
demxinkênê.
xoşim dewêy, lêşt tûřem.
xoşewîstîm deryayeke
tûřeyîm: diłop.
zorcar diłop,
em deryaye hełdelûşê.xoşewîstîm: asmanêke
tûřeyîm: asmanêke
tûřeyîm: pełeyek hewr.
zorcar hewr,
em asmane dadepoşê.=7
ta kengê mêrûley leşt
barî qursî serit leser şan dabnê û
le awareyî bo zîndan
le zîndan bo awareyî
bitlêtewe?
key çawanî bêtawanî korpekanit
dergay pêłû
leser nîgay bawkaney to bikenewe?
îzin mede
lewe zyatir awrî řojgar
dûkełekey le henawta cê katewe.
goşey zîndan
boşayîyekey
be leşî to piř katewe.=8
ewe çend car
xoşewîstîm kird be hetaw,
dûkełêk bû be sêberit?
ba ew carey sêberî xestî tûřeyî
beser bałay toda bikşê!
řeşebay şî’rêkî serkêş
bo nêw henasey to bixuşê.