41- fussîlet

we naw xuda ke dehnide û dilovane

1) ḧa, mîm.

2) hatotexwar lewkesewe ke dehnidey dilovane.

3) kitêbêke nîşananî beřunî şî kirawnetewe; bezmanî ’erebye; bogroy miroy deyzanin.

4) mijdederu tirsênerew zorbeyan xoyan lê bwardu amade nîn ke bîbîsin.

5) gutyan: lewey ke to bo’ewman bang dekey, diłman poşşî leserew gwêman keřew perdeyek hes le nêwanî ême û toda. to xerîkî karî xot bew, êmeş karî xoman dekeyn.

6) bêje: minîş miroyekim wekû êwe; xuda fermanim pêdeda pêtan biłêm tenya xudayektan heye; řutan her berew em biken û daway burdinî lê biken. waweyla bo’ewkesaney xuda be tenya nazanin;

7) wane ne zekat deden, nebřiwayan beřojî qyametê heye.

8) ewaney xawen biřwan û akarçakin, heruher padaşyan heye.

9) axo êwe le kesêkî ke beduřoj em zemîney wedî hêna, ḧaşadeken û hawtay bopeydadeken? ewe ke řahênerî hemû cîhane.

10) keju koşî le zemîn berz kirdewew pîtî tê xist; her lemawey çwarřojanda, boherkê bijîwî dewê – be yeksanî – bijîwî bodabîn kirdin.

11) paşan řwî na leberzayî, ke ewsa her tarîkan bû. bewan û be zemînî gut: xoş ya naxoş, debê bêne berfermanim. gutyan: wa bexoşî hatîn.

12) ewsake ḧewt asmanî le duřojda wedî hêna; her ’asmaney fermanî karî xoy bonard. nizîktir asmanîşman be çirayan řazandewew paraztiman. xawen destełatî zana biřyarî ewkarey dawe.

13) eger her qibułyan nekird, bêje: bewhewretrîşqew detirsênim ke hozekey ’adu semûdî weberda.

14) ewsa ke pêẍemberekeman – çi řubeřu, çi paşmile – lêyan nizîk debunewe ke: ẍeyrez xwa meperistin; wityan: eger perwerênman meylî lêba, firîştey dadebezandin. ême lewey ke êwey pê nardirawin, ḧaşadekeyn.

15) ca hozî ’ad lenařewa xoyan lew serzemîneda bezil zanî. deyangut: kwa? kê le ême behêztire? neyandîbu ew xudayey ewanî dirus kirduwe gelêk lewan behêztire? herwa benîşanekanman bê biřwabun.

16) ewsa ême řeşebayekî behêzman – lewřojaneda ke şumin – narde seryan; ta azarî abřuberyan – lejyanî em dinyayeda – pê biçêjîn. bê gumane sûkayetî azarî ewlaş zortirew kesîş dehanayan naye.

17) ême řêgey berewxoman şanî hozî semûdîş da. lebatî şarezabunê ḧezyan kird hernabînabin. ewsa lesongey ewkarî ke deyankird, hewretrîşqe girtinî û azarî abřubereyan lê hatedî.

18) ewkesaneşman řizgarkird ke bibune xudanas û le gunah xoyan deparast.

19) lewřojeda ke neyarekanî xuda berew agir hemûyan kodekirênewew destedeste beřê dekirên,

20) wextê degenelay agir, le herkarê kirdûyane, gwêçkew çem û hemû parçepêstî leşyan, ledjyan şayetî deden.

21) [begleyyewe] pêstanî xoyan dedwênin: çon dijman şayetîtan da? êjin: xwa wezmanî hênayn, ke detwanê hemuşt bênête qise; her ewîşe hewełcar êwey dirus kird, deşugeřênnewe lay ew.

22) lewbarewe ke gwê û çawu giş pêstî endamekantan şayetîtan leserbiden, hîç xotan ḧaşarnededa; bełam êwe pêtan wabu xwa le zorê lewkaraney êwe deyken, bê agaye.

23) derbarey perwerindetan êwe watan guman debird, ke terit witunay kirdin û çûne řêzey zyanbaran.

24) eger ewan xořagirin, ewe agir cêgeyane. er daway lê burdinîş ken, hergîz łêyan qibûł nakirê.

25) dostî waşman [le dinya] bopeydakirdin, karî êstew ayndeyan boxemłandin. bo eman û ew cinokew mirovaney berlewan bûn, bełênî xuda hatecê; leber’ewey zyanbarbun.

26) xudanenasekan gutyan: gwê bo’em qur’ane megirin; qisey bêtamî xotanî têkeł biken; beşkû beserya serkewn.

27) sa merc bê ewkesaney xwanenas bun, le êmewe cezrebey dijwar biçêjin; lewey deyankird, xiraptir azaryan deyn.

28) sizay dujminanî xuda her emeye; lesongey ḧaşakirdinyan lenîşanekanî ême, agirî lebne nehatu enwayane.

29) xudanenasekan gutyan: ey perwerindey gilaman! ewdukese le cinokew miroyeman nîşan bide, ke řêyan le ême gořî; wejêrpay xomanyan dedeyn ba lejêrî jêrewebin.

30) ewaneş ke gutuyane: perwerindeman xudaye û le giftyan layan nedawe; firişte dênelayan û pêyan êjin: ne bitirsin, ne xem bixon; mijdetan bê geyştune ewbeheştey ke bełêntan pêdrawe.

31) ême - le dinyawle qyamet – dostî êweyn; lebeheşta heriştê arezûy ken û çî bixiwazin, amadeye.

32) pezêrayî le layenî gunah bexşî dilovane.

33) kê lewkese qisey beřê wicê tire, ke berew xwa gazî deka û xoşî akarî pesnidew êjê: minîş yekê le musułmananim?

34) çakew xirape hember nîn; to hemîşe weramî çaktir bidewe, ewsa kesê ke legeł toda dujmine, debête dostî nizîkit.

35) em akareş her tûşî kesanêk debê ke bitwanin xořagirbin; herkêş ew’akarey tuş bê, dyare fire bextewere.

36) her wextê le şeytanewe duçarî xeyałatêk bwî, gurcê pena bexwabere; ke xoy bîser û zanaye.

37) şew û řojû xoru mangîş le nîşanekanî ewn. ne berewxor sujde berin, ne berew mang; sujde bo xudayek berin ke ewanî wedî hêna; eger her ew deperistin.

38) eger ewan fîzyan nwand, ewî lay perwerindetin – beşew û řoj – her pesnidî ew deden û weřeznabin.

39) le nîşanekanî ew zewî debînî mat bwew hestî deberda nemawe. herga baranman lê barand, řadejê û debujêtewe. ewî zîndûy dekatewe, gyan be ber mirduş dadeka. xuda twanay be ser hemuştida heye.

40) ewaney ke sebaret be nîşananman lewey řaste, kila ebin, xo le ême naşêrnewe. axo kê lekê çatre? ewkesey dexrête’agir, yan ewkesey řojî qyamet bê tirs dê? çî xotan ḧezdeken bîken; ew leherçî êwe deyken, çawedêre.

41) ewkesaney ewkate qur’anyan bohat, dijî wêstan û biřwayan pê nehêna; ke kitêbêkî zorberzu cêgey řêze.

42) piřupuç le řûy nawestê – çi řubeřu, çi paşmile – eme karzanêk nardûye ke her debê pesnî bidrê.

43) ewaney ke betoy êjin, be pêẍemberanî pêş toş her witrawe. perwerindet bêgumane ke detwanê gunahkaran ’afubkaw boşî heye azarî bejanyan bida.

44) ger ême em qur’aneman be ’ecemî binardaye, deyangut: çon nîşanî beřunî şî nekirawnetewe? xoy ’erebew nîşanekanî ’ecemîn?! bêje: eme bokesanê ke baweřyan pê hênawe, řêberu çarey derdane; ewî biřwaşî pê naken, gwê giranin lebîstin û çawyan ledîtnî kwêre; her êjî lecêy durewe gazî dekirên.

45) kitêbîşmanda be mûsa, ke leserî kêşekira. xo eger perwerindey to pêşutir giftî nedaba, bekaryan řadegeyştin. bê so ewan lêy dûdiłn û bedgumanin.

46) her kesê karî çak deka û kesêkîş xirapedeka, ledjî xoy kirduyetî. perwerindet ẍedir le’ebdanî naka.

47) řojî qyametê key debê, ew deyzanê. berubwî hemû řwekêk ke leşkofe dênederu her mêwîneyek awsew çî lezgidaw çî lê debê, ew deyzanê. ewê řojê ke xuda bangyan lêdeka: şerîkekanî min lekwên? êjin: lay to eydirkênîn; kesman agaman lê nye.

48) ew şitaney le pêşûda cêgey hanaw hawaryan bûn, lêyan gum bun û têgeyştun ke hîç deretanyan nîye.

49) miro herçend niza boştî baş bika, weřez nabê. herga xirapeşî tûş hat, hîç awatêkî namênê û nahumêde.

50) eger le paş derdu meynetê tûşî dê, tamî xoşîman pê çeşand, êjê: eme lexom řayew baweřnakem qyamet řabê; xo eger bişmibenewe bonzîk perwerindey xom, sûr dezanim pitir çakem degeł deka. ca ewaney dijî êmen, le her karê kirdûyane, xoman agadaryan dekeyn û cezrebey zor dijwaryan pê deçêjîn.

51) wextê ême degeł miro çakedekeyn, pê nazanê û fîzdenwênê û min minyetî; hergaş xirapey tûş bibê, bepenawe mil denê lepařanewe.

52) bêje: êwe be min bêjin, eger eme le xwawebê û êwe baweřî pê neken, dey kê lewe gumřatre hetaser lasarî bika?

53) haka waman kird ewane le’asokanî zemîn û ’asmandaw lexoşyanda nîşanekanman bibînin; heta لێان řûn bêtewe ke ewřaste. axo hêndeyan bes nîye, perwerindet lehemuşt agadare?

54) baş bizane ke ewane ledîdarî perwerindeyan dûdiłn. baş bizane xoy dewrî le herişt dawe.