serşarî sehbay bezmî munacat
From the Book:
Dîwanî Mewlewî
By:
Mawlawi Tawagozi (1806-1882)
2 minutes
1098 views
serşarî sehbay bezmî munacat
melcey îltîcay erbabî ḧacat
cay řicay cergey padşa û derwêş
barega û pena, pey bêgane û xwêş
ahûy xutenî feyzî îlahî
nafey naf řahî ce meh ta mahî
şikofey weşboy řeyḧaney řesûl
newbawey nemam teyّbeArabicy betûlPerson
serwî sayedar nîşandey welî
ye’nî yadgar murteza ’elîPerson
we řewzetana her nûr waran bo
ta def’î zułmet dîdey yaran bo
heway sayetan her memdûd mano
sebûn burdey curim nek zerer sano
napuxtekarî û şermesarîy min
xecłetî ẍefłet gunahkarîy min
keften we hemda yend zor awerden
řûy řicam we pay baregat kerden
to çun ce ewlad emcadî mewlay
pey řica we ca, pey hîmmet ewlay
zarî û zigarî û zwêrî kerdim
we bargey pakit pena awerdim
amam ser nyam we baregawe
ẍerîw, mû sifîd, we řûy syawe
ten me’syetbar, derûn piř ce derd
dîde teř, leb xuşk, dił germ, nefes serd
hay çend piley sext hane řêmeda
ce řûy îltîfat bidye pêmeda
bełkim ce řûy ew îltîfatewe
mewlam ḧazir bo we necatewe
desî şay merdan mededkarim bo
pile ew pile ew deswarim bo
me’syet nîyen çun hîç sedmetê
xeylê melûlim, ya pîr hîmmetê
hîmmetit ba’îs řistigarî bo
yar bo, dyar bo, yadgarî bo