temaşa ken le meydane semawer
xoşî û bezmî semawer
From the Book:
Dîwanî Wîsaɫî
By:
Wisali (1902-1973)
3 minutes
601 views
temaşa ken le meydane semawer
xerîkî şîn û giryane semawer
mîsalî bêweyî kuřmirde da’îm
xerîkî şîn û giryane semawer
hemîşe çaw piř aw û dił piř agir
le zumrey dił ḧezînane semawer
yetîm asa bebê saḧêb denałê
diłî piř coş û buryane semawer
le çawî dête xwar baranî esrîn
dełêy ye’qûbî ken’ane semawer
mîsalî ḧezretî luqman le dinya
tebîbî derdedarane semawer
řefîqêkî ẍerîbe bo ḧerîfan
enîsî daẍdarane semawer
’ecayb meclîs araye û dił efrûz
wekû şem’î şebistane semawer
be mîslî bulbulî şeyda şeb û řoj
be ah û soz û giryane semawer
ke ew teşrîfî ḧazir bû le hercê
ře’îsî şah û sułtane semawer
wekû eskenderî her çar kenare
çiraẍî qesir û eywane semawer
lenêw şêx û melaw û talîbana
wekû murẍî ẍezelxane semawer
be ḧubbî ew hemû kes mubtelaye
be feyz û lutif û îḧsane semawer
diłî piř êşe da’îm xestexatir
nexoşî narî hîcrane semawer
be zahîr ’aşiq û batin çi me’şûq
zedey ’eşqî ḧebîbane semawer
mîsalî ewlyay saḧîb xewarîq
kemendî nefis û şeytane semawer
be řeng îdrîs û batin mîslî îblîs
be tezwîr û be destane semawer
le camî feyzî ’alem mey denoşin
’ecayb pîrî meyxane semawer
eger zor muxlîsî bî ebye muflîs
’edûy miskîn û sułtane semawer
terîdey karwan û mał û mułke
dełêy îngilîz û yonane semawer
temettu’ bexşî qelbî natewane
sefabexşî ḧerîfane semawer
dełêy şaye ke sifrey dête pêşê
’ezîzî cînin û însane semawer
hemîşe şîfte û buryanî ’eşqe
ḧerîfî badenoşane semawer
eka zîndû diłî ’uşşaqî fanî
mîsalî ebrî nîsane semawer
le weqtî fecrî sadiq dête meydan
wekû ’abîd senaxwane semawer
xelîl asa le destî narî nemrûd
hemû dem řûy le subḧane semawer
le kohî bêstûnî hîcrî çayî
’eceb ferhadî bêcane semawer
be sozî dił enałê sê se’atan
muqîmî seḧnî meydane semawer
giriftarî xemî zułfînî yare
be mîslî şêxî sen’ane semawer
be giryan û be zarî wek huzare
şehîdî yarî bustane semawer
wekû derwêş û şêxî em zemane
xerîkî tepił lêdane semawer
be çawî dił temaşay ḧałî ew ke
ke ẍerqî beḧrî ’îrfane semawer
be zahîr ger çî mestî narî ’eşqe
be dił meşẍûłî řeḧmane semawer
be çayî ça nebê, ça nabê karî
ke menzergahî çakane semawer
ḧeqîqet qîblegahî ehlî ’eşqe
le şu’ley nûrî yezdane semawer
meger ehlî byara bê wîsałîPen name
ke da’îm dem be qur’ane semawer