kurde dexîle destim be daman
çay xwardin
From the Book:
Dîwanî Mezɫûm
By:
Mazlum (1916-1955)
2 minutes
420 views
kurde dexîle destim be daman
semawere zerd bihêne meydan
agirî tîke ba bête xiroş
be wêney diłî ’aşiq bête coş
zîřey semawer be gwê bibîsim
be îznî xwa le derd natirsim
nexoşî řaste be des xwaye
çayş wek mewlud def’î bełaye
qoryey řûsî, pyałey japanî
şekirî belcîka, çayî sîlanî
hemûy ḧazir ke le dîwe xanit
ba şadman bê ehlî dîwanit
bo ehlî meclîs têke peya pey
be yadî dewran «ke ya nanî key»
eger xudawend małî dawêtê
parew ḧeywan û ḧałî dawêtê
bo to ça xwardin exlaqî pake
nur leser nure wek îḧsan çake
xway gewre boxoy boy kirdûyn beyan
emwal û ewlad zînetî dunyan
madam wehaye wek zexîrey mał
şekiru çay ewê herkes be pêy ḧał
bira ezanî şekiru ça bawe
awmałit eyxiwa lemlaw lewlawe
eger mîwanê řûy kirde małit
şekiru çat nebê gwî seg be ḧałit
mełê qedîmî zemanî pêşû
le małî şêx û aẍa ça nebû
yaxud le baw û bapîrim pirsî
şekir û ça esłen nebuwe basî
mełê min nayxom naye be małma
sîretî babe bo min becêma
minîş kake gyan tesdîqî ekem
bawu bapîrit çay nekirde dem
key le zemanî ewan bira gyan
řêgay tîcaret buwe wek el’an
boy bêne pêşê enwa’î te’am
bot nekird çayî nagrî aram
kê dê utumubîl be ferdew bebar
şekiru ça bênê lem şar bo ew şar
key bîstuyane be şemendefer
bête şarekan enwa’î şeker
papořyan key dî tîcaret bika
be naw beḧra bê bazařit piř ka
sen’etî qedîm key awa buwe
serwetî êsta key ewsa buwe
kake serwetî zemanî pêşû
dewłetî małê: biznê ya dû bû
ege xo małê cûtê gay bwaye
ewe mezin bû çunke felaye
êsta kam kes ełêy feqîre
saḧêb serwet û text û serîre
hemû saḧêbî parew me’aşin
xawenî dezga û dîwanî başin
herkes be new’ê kesabet eka
legeł sełtenet şekiru ça exwa
xełqî qedîmî key le meydane
«ew nane nane emřo le xwane»
mezłûmPen name eger to wekû ewan bî
namey řezîlî bo xot enûsî