ey kuřekajaw berzî hewadar
From the Book:
Dîwanî Mezɫûm
By:
Mazlum (1916-1955)
3 minutes
635 views
ey kuřekajaw, berzî hewadar
saḧêb nezaret bo deşt û kosar
serberzu biłind gişt şaxekanî
sayey serî gişt qewmî kurdanî
be serberzîy to û çyay bêstun
serberzin qendîl hem pîremegrun
demawend da’îm sena xwante
’aşiqî qedu bałay cwante
berdit hemtaye legeł gewherda
ẍubarit te’ney le sed cewher da
êsta ke boçî mat û şêwawî?
boçî ḧezîn û zerd hełgeřawî?
boçî emende mat û ẍembarî?
boçî řeng zerdî, bo lêw be barî?
kwa şiney pałî beřezay pałit!
kwa xêmey guł û gułałey ałit!
kwa pol û destey taze cwananit!
kwa şerqî û neşîd seraw eywanit!
kwa xuřey befraw fesłî beharit!
kwa deste destey meḧbubew yarit!
kwa sirwey nesîm berî beyanit!
kwa neẍmey bulbul dewrî gułanit!
min dawa ekem kohî be saman
ḧał û eḧwałî xot bike beyan
cwabî damewe her wekû bulbul
witî: çî ełêm bîgre be dił
min şaxî meşhûr kuřekajawim
le astî dujmin lare kiławim
min cêgay merd û pałewananim
hem bêşey gurd û şêrî jyanim
fesłî beharan be xêmey gułan
eřazamewe her wekû řêzwan
çend çeşmey awî sazgarim bû
çend baẍ û baxçey piř le karim bû
wextê gułzarî xom edî be çem
sed te’nem eda le baẍî îrem
polî nazdaran nazk new xałan
řûmet peřey guł qamet şimşałan
be ’îşwew nazu lencew larewe
be çawî mestî piř xumarewe
ehatin bo lam be ’ezmî seyran
emin cennet bûm, ewanîş ẍîlman
çend zatî meşhûr qedîmî řojgar
ehatin bo lam be ’ezmî şikar
řojê le řojan nîgam kird bo dûr
dîm gerdelûlê le řûy şarezûr
dinya seraser buwe be zułmat
ehalî ẍemgîn ḧezîn û dił mat
pirsîm le kesê be kurdî zuban
em ẍewẍa çîye, bom bike beyan
dinya seraser bo le girîne?
boçî mexluqat dił piř birîne?
lem xake pake çîye qewmawe
dûrbê fîtneye, kewte dinyawe?
cwabî damewe be diłî piřcoş
be giryew zarî be şîn û xiroş
ḧał û eḧwałî bo kirdim beyan
esłî mes’eley la kirdim ’eyan
weqtê ke bîstim řojî řeşî kurd
hatme cenbuş, heta şeqim bird
kirdim be serma xakî bêşmar
yexey xom diřî le sertabexwar
baẍ û baẍçey guł kewtine xezan
nałey bulbulan geyşit be asman
emende giryam kêşam be serda
wek bawik mirde bangim lê berda
yaxwa derdî wa xwa neyda be kes
wekû day be kurd mezłûmPen namey bêkes