peyamî win bû

jyan: hêşta kirç û kał bû
zimanî eygirt û lał bû.
gerdûn: temenî minał bû.
xor: taze çawî epşikût.
mirov: taze bîrî ebzût
pêẍemberanî xwa nardû
jimareyan êcgar kem bû.
asman û estêre û derya
çya û dirext û gijugya
taze ebûn û exułqan
be siruştewe elkan.
zemîn hêşta
haław le leşî heł’esta!
ke - awêsta -
le asoy bîrî zerdeşta
bo kurd hełhat.
ke peyamî ahuramizda
le lûtkewe bangî hełda
bo gişt dinya
bû be awat!.ta kurd xawen awêsta bû
xorîşî lejêr desta bû.
hetakû çiray awêsta
da’egîrsa
berçawî bîrman řûnak bû
serçawey derûnman pak bû
bełam ke awêsta, bira,
dizra û gořdira
be nînokî řiq û kîne
wişey pîrozî lê řinra
morî bêganey pyanra
řûnakîman kewte kizîy
berbûynewe berew nizmî
ke le destiman çû awêsta
dem û dił û bîrman bestira
lewsakewe heta êsta!.