řemezan tilo’ subḧî şadîşen
From the Book:
Dîwanî Mewlewî
By:
Mawlawi Tawagozi (1806-1882)
1 minutes
1003 views
řemezan tilo’ subḧî şadîşen
şewal şamî şûm na miradîşen
derdîne şewal, ay zam sexte min
tałe şûm şewal, ay bed bexte min
ẍuře, ẍuřey ew sefaş pey ẍeyrî
azîz qîbley min, wefaş pey ẍeyrî
hay muẍennî tar ḧencerey weş terz
we ser pencey naz bawere ew lerz
min asa yad ker cergey wiyerde
yaranî merḧûm derdî dił werde
bew lerey diłsoz we cigerewe
mezmûnî ewan tekirar kerewe
ax, min û şewal herdû hamferdîm
her dû giriftar êşî yek derdîm
ẍuřey ew qîbley min we yek taren
we namî ême û kamî eẍyaren