le goşey gułxenî ten tabekey îmanî ḧîsbanî
esrarî subḧanî
From the Book:
Dîwanî Ḧerîq
By:
Hariq (1856-1909)
2 minutes
1332 views
le goşey gułxenî ten tabekey îmanî ḧîsbanî
be îmanî şihûdî bêre nêw esrarî subḧanî
mełê tarîke řêgem perçemî piř xem debestê em
şukûr wek řojî řûnake sipêdey subḧî pêşanî
demêke her wekû bulbul leser çił, serçił û şêtî
zemanêkîş were seyrî nemamî baẍî ’usmanî
xutûrit řêy ḧuzûrî bestûyî bo meclîsî baqî
detirsim qet nebî laqî kewa taqî, diłey fanî
hetakey to le ẍefłetda denoşî jehrî xamoşî
eger ’eqiłit hebê besye zemanî cehil û nadanî
wekû şane heta cem’e xeyałit bo perêşanî
be dîdarit qesem axir perêşan û peşîmanî
debînim herkesê tuḧfey xulusîyet legeł ta’et
deba bo xizmetî murşîd be qelbî pakî nuranî
minîş barî xecałet wa leser şanim ke natwanim
lejêrya pê leber pê nêm xuda her toy ke řeḧmanî
xetabatî cedel emřo yeqîne sefsetey meḧze
netîcey ewwełî fikirim qyasî kewte «burhanî»
dełên hatotewe şexsê semîyî eşrefî ’alem
cenabî seyîdî ekirem, şefî’î qasîy û danî
le ke’bey ’arîfan emřo lebo zumrey mirîdanî
fîwzatî nesîbî ’alemî muştaqî xoy hanî
biçîn bo xizmetî çake be îxlasêkî merdane
du’aman bo bika bełke le şeřřî nefsî zułmanî
wekû perwane her leḧze «ḧerîqîPen name şem’î cem’êkim
xuda key bê munewwer bim be nûrî mahî tabanî?