çûnî şîrîn bo ser qebrî xusrew û ferhad
From the Book:
Şîrîn û Ferhad
By:
Kamali (1886-1974)
2 minutes
38 views
hate derewe be diłî naşad
çû bo ser qebrî xusrew û ferhad
gutî gyanekem ey ferhadî çîn
le min ’aciz bûyt wa matî û ẍemgîn
çawim lew řojey le to buwe dûr
bînayî keme wa buwe bê nûr
lêm ’aciz mebe gewre û serwerim
çend řoje dusax şêroy kafirim
ey şazadey çîn şîrîn bê fidat
serit hełbiře bibînim bałat
cwabim berewe ferhadî serwer
min şîrînî tom ey xakim beser
emca bo xusrew kirdî zarî û şîn
xałanî hełkend be naxun be qîn
hełîkend witî min namewê xał
qedrî nazanin ẍeyrî kemerlał
zû hełse le xew keyanî neseb
textî dagîr kird şêroy bê edeb
danîşt leser text be xoşî û xuřem
xerîke emba be zor bo ḧerem
becêt bênaye şertit bo ferhad
neyan ekuştî be tîẍî fûlad
be naḧeq kuştit ferhadî şehîd
minîş le wesłî to bûm na’umîd
êsta wa kujran to legeł ferhad
minîş namûsim wa eçê be bad
dûbare řûy kird bo qebrî ferhad
xencerî kêşa be diłî naşad
miştûy xencerî leser xak dana
sîney meřmeřî be xencera da
xwên fwarey best le sîney şîrîn
kenîzan destyan kird be zarî û şîn
witî kenîzan bizanin hemû
xusrewî perwêz qebaḧet bar bû
bełam me’lûm bê le hemûtan gişt
bo mergî ferhad min ewa xom kuşt
yaran hawseran wesyetim yad ken
piştim le xusrew řûm le ferhad ken
witî: ey ferhad ke’bey nyazim
gyanî şîrînim, qîbley nemazim
kenîzan biřon xuda û agadar
min wa řoyştim bo xizmet diłdar
ahî hełkêşa be diłî naşad
gyanî kird fîday newciwanî ferhad
emca kenîzan bała ’er’erîn
qedîm, xanezad bawanî şîrîn
le gyanî xoyan burdin hemûyan
diłyan hełdiřî be tîẍî buřřan