henaseyek
From the Book:
Dîwanî Kakey Felaḧ
By:
Kakey Fallah (1928-1990)
2 minutes
823 views
gułî jałe! biřo bimre heta caw mifit û herzane
ewey destî be zaxaçû leserto małî wêrane
bese zuxawî destî to! binoşe zehrî destî min
hetakey xwênî geş bitkê lecergî em beszimane
cefa noşî be min takey, wefa bexşî be to takey,
řewştî to le řastim key nîşaney we’d û peymane?
gelê qurbanî gewrem da, be qurban? min leřêy toda
were seyrî jyanim ke hemwî her qoçî qurbane
bebê perwa milim na bû giřî to, dek milim bişkê
heta sûta peř û bałî fiřînim çeşnî perwane
be tefrey tu xeřu bû ew kesey wa toy be kes dana
heta xizmî nizîkîşî leber to bune bêgane
deba kasey em û ew piř le badey keyf û xoşî bê
enoşim her lekasey xom lebadey xem kelêwane
eger to şik nebem ey dił! jyanî xom be şa nadem
bełam daxî becergim wa legeł to bûme dêwane
lepêşa layenî tom girt, berim da layenî hoşim
ewey em řêgeyeş bigrê, wekû ḧałim perêşane
desa toş bilbilî hoşim, heta mawî binałêne
letaw bałî şikawî xot, letaw şêwawî hêlane