basî giriftarbûnî hecîr be destî zorab
From the Book:
Rostem û Zorab
By:
Kamali (1886-1974)
3 minutes
51 views
lepiř be hecîr ke xeber dira
wityan zorab naw, wa buwe peyda
le ceyḧûnewe ta sipî ḧesar
hewa tarîk bû le toz û ẍubar
hecîr emey bîst zor řiqî hełsa
esleḧey şeřî der se’at poşa
bestîye piştî tîẍ û tîr û şîr
řûy kirde supa şêrane hecîr
ke temaşay kird leşkirî ’ezîm
wa hat le řêwe bebê xof û bîm
nîşaney şest û dû hezar swar bû
le çareyanda ẍezeb dyar bû
me’lûm bû lelay şay efrasyab
supay nardewe be te’cîl û tab
hecîr swar bû řûy kirde bêrûn
le meydan westa wekû zeř sitûn
leşkirî zorab lewlawe westa
wekû şêrî neř sanî da supa
zorab seyrî kird ke tenya swarê
wêney berq ehat gewre nawdarê
tenha westawe le ’erzey meydan
întîzar eka wek şêrî jyan
zanî dilêre û şêrî şikare
çaweřwanî şeř řoy karzare
zorab swar bû řûy kirde hecîr
ne’retey kêşa wekû şêrî neř
witî ey swar to boçî be tenya
wa mu’etełî le ’erzey de’wa
hecîr têfkirî ’eceb swarêke
salarî gewre û namdarêke
be sam û heybet be zorî bazû
legełya nabê kes hawterazû
witî beřastî em pałewane
merdî meydanî dewrî zemane
le řojî şeřda be zorî kemend
zor kes le dinya exate naw bend
witî ey swar to nawit çîye?
boçî egeřyê meqsedit çîye?
pałewanî gurc kamîn wiłatî?
serdarî supay kam ser bîsatî?
pêm biłê kêye bawik û ecdadit?
le kam tayefey çîye muradit?
zorab hate cwab witî ey cwan
qiseyek ekem lat nebê giran
boçî epirsî le eḧwałî min?
le esił û neseb cêgey małî min?
min hetîwêkim bê ced û pider
ne le turanim ne çîn ne berber
esił û nesebim me’lûm nîye lêm
nazanim hergîz ke min kuřî kêm
daykim bê kese, feqîr û hejar
cefa kêşî derd, cewrî řozgar
êsta xeyałêk le şanim bare
hemîşe diłî min bêqerare
xeyałim waye dinya seraser
bênme jêr ḧukmim wekû şêrî neř
ewweł keykawus padşay êran
yexsîr kem legeł hemû dilêran
bełam fîleten nawî meşhûre
serdarî êran be zat û zore
ebê be kemend bîkem giriftar
bibê be watey dewrî řozgar
min ke řostemim hênaye jêr des
îtir qîmetî lam nîye hîç kes
eçme ser textî şay êran dyar
ekeme serim, hem tac hem tumar
emane hemû lelam asane
dinya le destî min herasane
hecîr emey bîst řeş bû wekû qîr
dinyay leber çaw bû be zemherîr
witî to meẍrûr mebe ey cwan
mebe be temay êran û turan
fîleten wekû şêre dyare
nawî le demda wek zehrî mare
eger le destim necatit bû to
ewsa bo ser text keykawus biço
desî daye têẍ mewday piř xeter
be zorabî wit bedî bedgewher
zorab destî bird wekû şêr aza
şimşêrî be zor le des derhêna
girtî piştênî hecîrî sermest
day be zemînda herdû destî best
birdî bo human be destî beste
be xwarî û zelîl serî şiksite
emca le hecîr le bałay ḧesar
nobetçîyekan kirdyan zor hawar