geştêk
From the Book:
Dîwanî Kakey Felaḧ
By:
Kakey Fallah (1928-1990)
2 minutes
618 views
le şwênêkim le cwanîda ełêy beheşte
hemû gyanim lê bote çaw, nyazim geşte
keylî bizey lêwî behar xeyał û hestim
leber bon û beramey xoş piř be dił mestim
serinc edem le gułałey ał û sewze gya
le’awî řun, le çirwî dar, le berzî çya
le řezubax, le sêberî jêr sureçnar
ledarî gwêz legełay tû lepelkî qunar
lepepuley bał nexşînî cwanî řingawřeng
keçon efřê leber demma dił piř le aheng
lew melaney be goranî xoyan enwênin
leser liq û popî dar û dewen exwênin
ledîmenî xem řewênî pulî berx û kar
keçon wird wird pê şêl eka sewzegyay behar
serinc edem le behar û le behrey cwanî
kenek dilê, hezaran dił ebin ḧeyranî
hezar xozgem xwast bewaney lewêda ejîn
bedłî xoş, derunî şad beser eben jîn
wek pepûle, yan firîştey nawbax û gułzar
têr têr emjin bonî gułî beheştî nazdar
înca wird wird hengawim na berew awayî
lew dêber û baxe xoşem kird mał awayî
wam ezanî xelqî ewê şad û diłxoşin
wek ew tawey jyanî min mest û serxoşin
le şadî da, wek şazade nîştecêy textin
heł epeřn, beste ełên, xawenî bextin
keçî sîma boy derxistim çen be sikałan
bo bałay xem, bo meynetî be wêney kałan
boy derxistim hergîz cwanîy dîmenî behar
sarêj naka zamî diłî pest û birîndar