cejnî newrozim, wa hat belawe
From the Book:
Dîwanî Racî
By:
Raji (1912-1969)
2 minutes
183 views
cejnî newrozim, wa hat belawe
nasorî sardîm, hemû kulawe
tîmarî eka guł be gyawe
eypêçêtewe dar be geławe
hawîn be germî, dił egeyênê
be wirşe û payz, day etekênê
le şextey zistan, serbest emênê
sewzî ka behar, řû be xudawe
xunçe pêkenîn, ke guł çinîne
ke wîş bû be guł, ciger guşîne
serşîn wenewşeş xerîkî şîne
mêlaq û nîsan, milkeç be pawe
řû sipî, çaw zerd, nêrgis ke ebzût
ḧacîle û beybûn, diłyan epşikût
fewcî gyawgoł, hezar taq û cût
be sed hezar řeng, hatne semawe
hatne temaşa, newrozî xoş řû
diłî dayewe, herçî ke zîz bû
gyaw û gyandar, binaẍey mirdû
be xas û xera û, hemûy jyawe
tebyat hatnecoş, xoşřeng û xoşbon
neşey gyanî min, geşey çawî ton
sed elîktiron, be yek piřoton
le kar dirûstî, wacûzî nawe
sersam, ebînin berlîn û beẍda
be çend mekîne eden kareba
mekîney newroz tenya le dunya
bê swîç û giłop, çirîske û tawe
gułûkî xwênîn, sipî řeng û sûr
le ten sûřî xward, nîştimanî nûr
hemû cê geřa, çi nêzîk, çi dûr
leşkirî mîkirob, piştî şikawe
cejnî kurdim dî, řacîPen name, sewz û ał
çend mil be desmał, be keşîde û şał
temenî kurdan, le nwê hemû sał
ke hat komeł ken, meken biławe