diłe piř çînen pêşanîy şewqit
From the Book:
Dîwanî Mewlewî
By:
Mawlawi Tawagozi (1806-1882)
1 minutes
1190 views
diłe piř çînen pêşanîy şewqit
pos merden we ban řuxsarî zewqit
şadît mwaçî azîziş merden
keyfeket maçî leyliş gum kerden
gumanim wey řeng zamit nesrewten
koçî xêłxaney eḧmedPerson dûr kewten
newatim dexîl aman sed aman
wêt meder we meyl new tûł nemaman
wes we temay wesił mezaqit şad bo
jarî marî derd dûrît we yad bo
nejneftî çenem sed car dadim kerd
îse hay gerdiş gerdûnî çepgerd
we tay qełmask tinyay serdîy meyl
ew hurda pey ḧey, to pey koy duceyl
sa xasen emcar şûmî sya bext
to alûdey derd, min zamanî sext
saqî gerdî koç yaran dyaren
hawmałan perêm ne întîzaren
min xo tenya mał, wamendey diłteng
bêkes, bar sengî, pay bareber leng
merto we hey hey neş’ey camî mey
ney řay piley sext feryadřesîm key
sa pêm der camê minîç çun yaran
hey kerûn ew koç ta ser hewaran