ey bira! bigrî le damen baẍî kurdistanewe
From the Book:
Dîwanî Racî
By:
Raji (1912-1969)
2 minutes
135 views
ey bira! bigrî le damen baẍî kurdistanewe
najyey bîxoy be keyf û şewket û seyranewe
serbexoyî moreket, şora be baranî nîfaq
xoşîy û zewq û muradit, wa be dem tofanewe
her kesê hat û be nanê, ḧacetî dênaye ber
aqîbet xoy kirde sułtan, hate naw kurdanewe
bîrî xoy serfî jyan û ẍîretî hozî eka
nûkî peřgarî esûřênê beser dewranewe
hênde naşadim le çerxî fîtnegêřî asman
her ebînim nakese, řûy dête naw dîwanewe
nîştiman piř me’den û, mîllet leber bê cewherî
xakî bê qîmet exate baxeł û gîrfanewe
em ’êraqey ême çeşnî berxî sawaye le çoł
gurgî har boy dêteder, herdem le bin piniçkanewe
pê bizane sa ’ezîzim, kar û bazařit çîye?
hem diłit pîşa be agir, hem serit tawanewe
kurt û kem biřwane xełkî, çî eken, çon eçne pêş?
gyanfîda be, řûke sen’et, çî eka pařanewe?
kwêr nebûy biřwane xełkî, çon enêrê sewqyat?
gah le lenden, gah le taran, gah le hîndistanewe
kurd û ’areb, hełgirin, hestin benawî îttîfaq
seddî mîllet ken le gurzî dujminî îmanewe
tu xuda key ça wu řût hełdê, le xakî pakî xot?
to ke em gencet be xořa, xiste jêr pêyanewe
ey ’êraq çawî sipîm, çend bê kesî, çend bê derî
şar beder bûy, bê qebaḧet, çûye naw zîndanewe
fîrqe fîrqey kurd û ’areb, bûne cerdey řûḧî to
cergî min sûta le tawit, bem diłey giryanewe
çawenořim her wekû řacîPen name, le bîrî mîlletim
bête řû řojî senay’, lem kuřey mîwanewe