kurdî bê ẍîret le hîçî, bîrî ewtanî nekird
From the Book:
Dîwanî Racî
By:
Raji (1912-1969)
1 minutes
201 views
kurdî bê ẍîret le hîçî, bîrî ewtanî nekird
dujminî mîwanî hat û sifre û nanî nekird
giştî pêşkewtin le îş û sen’eta, cîranekan
em denî teb’e temaşay karî cîranî nekird
çawî piř tozit, ke dujmin hate naw meydanewe
kuştîy û tałanî bird û derkî tawanî nekird
şekker û hengiwînî xakî kurde, perwerdey megez
xawenî bê maye mawe, tamî lêwanî nekird
çend giran bû mułkî kurdistan, le kêş û qîmeta
bê beha dayane xełk û, xełk herzanî nekird
ba beqiř çê tû xuda, qewmêkî bê ’eqił û wefa
xakî, bê tapo beşî kird û çi pawanî nekird
kes le kes řazî nîye, herkes be men xoy da’enê
şahî sen’et hate meclîs, kes çi cûłanî nekird
komełî kurdan! temaşa ken, çi sûta canfîda
mîlletî ẍeyrit wekû perwane amanî nekird
řacyaPen name! berzî weten nabê le kurdistaneket
xake bîmare, tebîbî qewm dermanî nekird!