yarî ’ezîzim her qeder, sistî û bêzarî eka
From the Book:
Dîwanî Racî
By:
Raji (1912-1969)
2 minutes
164 views
yarî ’ezîzim her qeder, sistî û bêzarî eka
dił boye daym piř eser, şîn û hera û zarî eka
ey qed be lencey çawbekil, çî dîke min megre le gił
lem baxeda ustadî dił, xoy fêrî mûkarî eka
to ḧûrî ya cîn ya melek, yaqute lêwit ya meḧek
min zêřim û to bimxe tek, lêwit ke înkarî eka
şahî, wezîrî, mutrîbî, turkî, geday, herçî hebî
meqbûlî xełk û min debî, çawit ke serdarî eka
lem hatuçoye dił biłê, elḧeq le ’eşqî to bełê
bo komełey wesłe welê, dawayî ser darî eka
piştim şikawe çawekem, fewtawe ’umir û nawekem
bêçare bestey dawekem, dił xwênî geş carî eka
destî be mistî xencere, xwênim leberya mexmere
kes ba nełê muqeddere, ew îşî yekcarî eka
neqdî ḧeyatim lê biřa, morî wefatim pê biřa
agir le cergim hełgiřa, zułifit ke teřřařî eka
sînem seraperdey ḧezen, denwê lewê yarî ’eden
dił êşkeçî poła beden, lem qesre huşyarî eka
agay le eḧwałim nîye, řuḧ û ser û małim nîye
bê ew çi amałim nîye, wîş piř sefa yarî eka
řacîPen name le wesiłit xoş mebe, noşt nebê, bêhoş mebe
herçî lelay to metłebe, bîka be bêgarî eka!