bulbulî teb’im ke yadî bax û bustanan eka
From the Book:
Dîwanî Racî
By:
Raji (1912-1969)
1 minutes
143 views
bulbulî teb’im ke yadî bax û bustanan eka
neẍme û awazî wazî, pertî sed dastan eka
damepoşe lalezarî guł’uzarit, ey nîgar
bêt û ger dił bête seyrî, dujminan tałan eka
xoş nesîmî baẍ û řaẍî řûmetit, ger derkewê
xakî kurdistan û ’areb, giştî muşkefşan eka
dest û bazûy nazkit, qendî minałî ’aşiqe
pêkenînit, awî kewser da’îma baran eka
morî engustîlekey engustî hemtay şekkerit
xatemî asef be řesmî hendesî ḧeyran eka
qametî şoxt le barîkî, ’eceb bê ẍayete!
gerçî tefsîrî, piřî seḧra û şaristan eka
xozya carê be bałata, serî mestîm ebest
ta be yekcarîm ezanî, çon diłim wêran eka?!
perçemî piř çînî yarim, řûy le meşrîq nabřê
xałî cêy şerqe, keçî řûy xoy le hîndistan eka
ewwełî karim nezanî dîdetim dest nakewê
herwekû řacîPen name ke karî bê ser û saman eka!