guł pê ekenin, lale epşikun, le çemenda
From the Book:
Dîwanî Racî
By:
Raji (1912-1969)
1 minutes
179 views
guł pê ekenin, lale epşikun, le çemenda
bała ehejin, ber ewerin, çende le çenda
sûrin dem û lêw, zerd û sipî lamil û gerdin
xał û xetî řeş, çawî bełek, sewze le tenda
ew daru gyay behrewerî û, berhemî řastî
«zerdeşt»e ke çandûye lenaw xak û wetenda
yarî wekû toy dîwe, be çawî huner û tîj
çî canewer û cinde, hemûy xistine benda
ew perçem û egrîce, qiřî dêw û dirince
şeytan û diro, giştî, lenaw daw û kemenda
ew merce, ke bestûme legeł xendeyî lêwan
dořawim eger bîxeme hengiwînî le qenda
dar û dewenim şane û hêlaneye bo jîn
řazaneweyî hoşe, lenaw şax û çeqenda
wergêřîke to řû, le diłî şêxte dujmin
aşî legeřandaye û xermanî le şenda
ba hełbê le asoy hewesa, řojî řuwanit
awa bê şewî bed, le semay arîy û zenda
mazûçnî paşol kune, jîkoPen name keçełî gel
pendî ke hemûy awe, epêwê le serenda!