şemałêkî şel

ledway yekem destî asman
her destêkî tir geyşte leşî befir
befir eşêwê û nabêtewe be befrekey yekemîn car
ledway yekem hełqułînî demî kanî
ke aw be řêgey tirda têpeřî û bû be řûbar
aw eşêwê û nabêtewe be awekey yekemîn car
dway yekem bon û hełmijîn
řoḧî gułîş edate kizî û biniskî û
nabêtewe be gułekey yekemîn car
bem core min wîstim maçê
le řêgey em hełbestewe
binêrim bo, dûrezmanê berew xwar
ke şî’rekeyan wergêřa û
wekû kiras be awejû leber kira
maçekey minîş şêwênra,
êste maçim berew ewê beřêweye
bełam maçê bedaxewe çawim lêye
le şemałêkî şel eçê!