hunerî selîm beg le dîwanî «şah ẍazî»da
şar qełaçwalane, eḧmed paşay ke meşhûre be «şah ẍazî eḧmedî leşkirişkên» ḧukmiřane, dewr dewrî şîr û qełẍane. swarey bebe beřastî merdî meydane. êwaran lekenar çemî qełaçwalan dîwan degêřn û pyawmaqûł û noker û aẍaler û çekmeřeq, komeł komeł lew gwêy awedanîyen tê efkirin. wa pyawêkî beşkoh û sîma, řîşêkî tenk û sipî, řuxsarêkî esmer be řêda dê û lozenderêkî kełegetî çwarşane le piştîyewe taze xetî dawe. çawî wek estêrey sîweyl edrewşêtewe. ke degene dawênî dîwan, be şermewe epirsin padşa le kwêye û selîm begî mamî le kwêye? ke eḧmed paşay pê nîşan eden le dûrewe kiřnûşêkî bendegî ekêşê. ewsa eḧmed beg epirsê ewe kêye?
xoy dête zuban, ełê: şahim! min mela hemzey ewẍanîm. emeş bendezadey ekireme sewday diławerî û cengicoyî le kelledaye. le kabul û zabulewe nawbangî zebir û zengî selîm begî bîstuwe û bełênî be diłî xoy dawe eger selîm beg bitwanê şîrekey hełsûřênê û day weşênê, wa nokerîy selîm beg ekat.
eḧmed paşa ke serinc eda, em kuře neřředêwêke, şîrekeşî nîwe meşakêke. ełê pena bexwa! a bizanin selîm begî mamim le kwêye. bangî biken biłên mîwanî hatuwe.
înca eḧmed paşa řû ekate mela hemze û zorî lê eka ełê danîşe, ewîş be zor be çoka dê û da’enîşê, bełam ekirem be pêwe řadewestê. lepaş nextê selîm beg dêt. paşa pêy ełê: mîwanit hatuwe, ewîş destî mela hemze maç eka û dest ekate milî ekirem. lem kateda le şîrekey ekirem wird ebêtewe zor cwanî dête pêş çaw, destûr exwazê ke seyrê bikat, le kalanî der’ekêşê bem şan û bew şana hełî esûřênê, lepaşa hełî eda be asmana.
înca ke eḧmed paşa bînî ke ew şîrey diławerêkî ewẍanî pêwey denazî û eyut kes natwanê şîrî min řaweşênê, selîm beg her le xoyewe le qedî hełkêşa û wek fiřfiřoke yarîy pê kird. ke eḧmed paşa emey dî, wek guł geşayewe. we ekiremîş zor be xoşî û diłxoşîyewe ke tûşî aẍay xoy hatuwe, destî selîm begî maç kird û selîm begîş řûy kirde paşa û witî:
- emane îtir mîwanî minin, bełkû ekirem destebray mine, eyanbeme lay xom!
- paşa witî: zor başe.
paş em heytuhûte, kwêxay bekirawa û kwêxay xurmał ke guł’enbere, dadyan le zorîy beraz kird ke hîçyan bo nehêştûne we kişt û kałyan nemawe û hemû sałêk paşa xoy ke bo řaw teşrîfî hênawete şarezûr, řaweberazî kirduwe, bewe berazman le koł kewtuwe. bełam emsał ke teşrîfî nehatuwe beraz emanxon, paşayş fermûy kwa şîrweşênekan? huner eme nîye le berdemî êmeda şîr hełsûřênin, huner eweye ew şîre bo parêzgarîy dêhatekan bweşênrê. selîm beg desbecê tê geyşit ke wa şa legeł ewêtî. witî: twanc pîşey padşahan nîye û le beraz tirsanîş pîşey ême nîye.
selîm beg řû ekate kwêxa û ełê: amadeye to le pêşewe biřo, sibey êware, xwa yar bê, lay to mîwanîn. bew tundîyewe le dîwan hełdestê û eçête małî xoy û ekiremîş be dwayewe. xoyan dû kes û enêrin cwamêr aẍay řengêne, aẍal aẍay sîweylî û zeyneł begî mesref û meḧmûd begî qedîmî başçaweş û daraẍay mîredê û feramurzî zengine û swar’aẍay biłbas û memend aẍay mîrawdelî û şapûr aẍay bextyarî û zułał aẍay mergeyî û mîran begî wełedbegî çelebî qedîmî hemewend ke çelebî bûkî şerîfî be nawewe naw nirabû. emane hemûy ko ekatewe. hemû ebne dwanze swar û pêyan ełê: beyanîy zû, be fênkî, swar bibin lêrewe le dołî gełałewe, beser awî subḧan aẍada le biney seyd sadqewe řawî lê dabestîn. ew serçawey qumaşe êcgar berazî zore, lewêwe dest pê ekeyn, beser tepekał û huşyara eyanřewênîn bo xwar bekir’awa, leser eme hemû biřyar eden û her kese řû dekate małî xoy û lêy denwê.