geřanewe

gelê yaran!
katê mirdim, dexîltan bim!
lem ẍerîbistane memnêjin
ceste manduwe xemrêjekem bisûtênin
xołemêşe xembarekem
be awî dîcle bispêrin!
dîcle demba bo uqyanûs
debme hełm û degeřêmewe bo asman
bay ziryanîş hełdekat û
cestey sipîy çeşnî hewrim
debatewe bo kurdistan!
diłteng, diłteng
le serçawekey jyanmewe
çeşnî hewrêkî xemajo, dadebarêm
le kwêstan û le pêdeşt û daristana
dadebarêm, tozqał tozqał
jîlemoy dił dabeş dekem
beser hemû kurdistana!