deryay jyan

jyan çîye?
deryayekî bê bestêne
ya gułzarêkî řazawey diłestêne
lemêj sałe
ew pirsyare wek bałindêkî sergerdan
le herêmî şiłêjawî bîr û zeynim dêt û deçê
dełêm řêgay ême řêbwaranî jyan bo kwê deçê?
ne bawkî xom, ne bêgane, ne mamostay qutabxane
her kat ewem lê pirsîwin
le wiłama gutûyane
nazanîn çîye
bê hewałîn řêbazekeş bo kwê deçê?
êmey řêbwar le řêgeda, her çîrokî řaburduwan dełêynewe
pê le şwênî pêy mirduwan denêynewe
ew pepûley be wîsalî şem desûtê, dełê:
jyan ’aşiqibûne
nekewtine
nesrewtin û fîdabûne
netirsî û ser têdaçûnebulbul dełê:
jyan tenya beharêke
dunyay herawî min sûçî baxçeyek yan gułzarêke
hełmijînî şewnimî ser lêwî gułe
ewcar çirîkey be jan û êş û kułe
derbiřînî hestî diłebulbul dełê:
katê gułî baxî jyan sîs û zerde
şewnimî min kiřêweye, beharekem çiley zistanêkî dagîrkerî serde
serwî bałaberz dełê:
jyan her cwanî û cemałe
zerdexeney piř le sîḧrî diłřifênî lêwî ałe
nîgay germ û hestibziwênî çawî kałe
her kes be bała cwane,
ew şayanî qedir û řêz û hemû nî’metekanî jyane
kej û kêwî berz dełên:
jyan tenya serî berze
xořagrî û diłî qaym û nelerze
leber bûmelerzey wêrankerî zewî, nebezîne
lebin barî řinûy qurs û sard û sipî, netezîne, neřzînederya dełê:
jyan wek min mend û quł û be gêjawe
piř le şepol û şiłêjawederya dełê:
ewendey min be bîrî xom, webîrim dê
her kes ke mîwanêkî şareza buwe
le şeř legeł şepolekan aza buwe
be hêzî şanî xoy řeha buwe
dena dîlî derya buweewcar minîş be’asanî
manay hemû wişe û pîtekanim zanîhawarim kird:
deryay besam û bêsnûr, to řast dekey
to řasteqîne bas dekey
lenêw deryay jyanîşa ewey bêłjenî ça nebê
le meleda zana nebê
eger dîlî derya nebê
řisq û řozîy masêkanî derya nebê
kone yasay deryay jyan, her wa buwe û her wa debê
deryay jyan, qełafetêkî çeşnî paporî dewê
weha bê, ke leber tewjimî samnakî hîç şepolêk nekewê