axrîn name

azîzekem
nîweşewe û şemî dîwe biçûkekem
wekû to be giřî ewîn pepûlekey xoy kuştuwe
bełam aya toş wekû şem, leser termî pepûleket camî esrînit řiştuwe
taqe kesim
ewe dwayîn nûsînme bot denûsim
serim manay siławêke û lejêr pêławekantida deytiwênmewe
diłim manay maławayêkî be xeme û le her cêye bîrit bikem be şî’rêk
deykulênmewe
her kat etoş bîrit kirdim
sirinc bide lawlawe meylew zerdekey ber pencere
bizane ewîş wekû min tozî xefetî lesere
bełam tuxwa
dway em ewîne sawaye
namekanim mesûtêne
her nameyekim diłêkî piř le xwêne
çunke dway ew sûtandin û xełûz bebadakirdine
tê degey ke xwênî yazde şî’rî kurdît le gerdine
bêwefa nîm
êstaş wekû caran dełêm
wefa gułe û cefa xare
wefa mele û cefa mare
êstaş wekû caran dełêm
be berzay hezar asmanî piř exter
be qûłayî hezar deryay neheng perwer
xoşim dewêy yarî azîz
xoşim dewêy xudaḧafîz