derdî ewîn
From the Book:
Kejawey Dil
By:
Naser Aghabira (1968-2020)
1 minutes
714 views
yaran yadim ken, yaran yadim ken
yadî diłekey namradim ken
be wîsalî yar demêk şadim ken
le bendîxaney xem azadim ken
’îlacî janî konebrînim ken
aw le derûnî agirînim ken
name be xwênî henawî biryan
binûsin emma meyden be ziryan
bîden be şemał henasey peryan
bîbate ḧuzûr şoxî mukiryan
bangî tebîbêk bo serînim ken
soraẍî yarî nazenînim ken
be camêk le mey bimtawênnewe
be saz û be ney bimlawênnewe
le baweş ewda bimḧawênnewe
neẍmey wefayîm bo bixiwênnewe
eger newtiwanî her teskînim ken
fûyek le şemî kizî jînim ken
yaran pêm xoşe gořim le ban bê
ba gwêm le qaspey xoşî kewan bê
ba gwêm le řazî şimşałî şwan bê
ba gwêm le qaqay bêryanî cwan bê
xanexwêy bezmî piř ewînim ken
neken her bên û germeşînim ken