kanî

her katê dekewme bîrî awatî řojanî cwanî
bo sařêjî zamekanim be tenya dême ser kanî
zûxawî dił hełdeřêjim bo wirde şepolekanî
ew besteyey bo dexwênim be lawik ya be goranî:
kanî, kanî
to cêjwanî perêkanî
to awêney asmanî,
xwênî cergî çya sext û berzekanî
xozge ewey min deyzanim, toş bîzanî.
kanî, kanî
to esrînî hewrekanî.
dezanî bo xoşim dewêy?
şa’îrkujêk wek to deçê çawekanî
dezanî bo zor dême lat?
çun lelay to becê mawin cê pêkanî.
kanî, kanî
to şahîdî pişkûtnî ewînêkî asmanî
qatłî min le toyda şûşt pencekanî
xwênî diłim tikawe nêw awî kanî
bedim bizey ewînewe demirdim û nemdezanî.