dir byan riftin aminh ba am aymin û birdin ḧizirit risalit pinah bih midîney minurh û wifat kirdin aminh xatun dir anca
From the Book:
Rewzetul Sefa
By:
Mirza Ebdilqadir Paweyi (1850-1910)
6 minutes
343 views
sa ḧezret sin’iş çûn yawa be şiş
dinya ce nûrş bî be muneqqiş
umim eymen hem çenî amîne
ḧezret berdişan pey lay midîne
çûn feř qidûm e’lay řafê’e
berdin we menził «dar alnabi’ةArabic»
yek mah cew mekan guzeran kerdin
çenî eqarêb şew we řo berdin
naga ce bazî keç baz çep gerd
amîne şerbet cam eceł werd
roḧiş we řewzey řêzwan bî meftûn
her new ca ne’şiş kerdişan medfûn
ḧezret dûd ne ferq nûrînş xêza
esrîn ce dîdey nesrînş řêza
du’ay meẍfêret pey walêdey pak
kerdiş neqapî ferd tenyay tak
sîway ce ḧezret hem umim eymen
ko bî we bałaş xem xermen xermen
derlad pey mekke murac’et kerd
ḧezret hem ce no çenî wêş awerd
«’ibdalimtilb» ḧezret dî we çem
gêrtiş ne baweş çûn perwane û şem
perê amîne kêşa ah serd
ne perdey derûn cergiş coş awerd
cew dima pena we qapî ḧeq berd
wêş we terbyet ḧezret meşẍûł kerd
ce gah û bê gah ce wext û bê wext
bî be musteḧfêz ew şay bułend bext
mewat muḧemmed feryad řes mebo
ce gişt kes zyater bała des mebo
’umir şerîfiş yawa be hefit sał
sêḧir saḧran yekser kerd betał
çend ce řahbanan kêtab awerdin
«’ibdalimtilb» ba xeber kerdin
watin muḧemmed nûr lêş mewaro
sêfat ḧezret êbrahîm daro
saḧêb tuřřey muhir nibuwet mebo
yeqîn pêẍember î ummet mebo
ce muḧafêzeş wêt nekey ẍafił
muradit ce lay ew mebo ḧasił
«’ibdalimtilb» şadî kerd ẍalb
řûy xetabiş kerd we ebûtalb
wat ferzend bişo ce ehil kêtab
gişt ce muḧemmed mekeran xetab
we umim eymen hem watiş ce no
we zamin danim muḧemmed we to
yek deqîqe ew feramoş nekey
hem şem’ ocax min xamoş nekey
dexîl muḧemmed hergêz wêł nekey
diłgîr mebî wêt diłgîrş nekey
«madam alḧyatArabic» zwîrş nekey
cay çemey ether zemzem lêł nekey
ew ce ferzendan erşed bişmare
ce ban dîde nigaş bidare
bełê hem cew sał cew zêd û mawa
qeḧtyê ’ezîm we mekke yawa
hefit sał çûn yek řo baran newara
zemîn coş da çûn, koy seng xara
we emir ferman «rib al’almînArabic»
biřya tuxim řizq ne řûy serzemîn
ma û gya û eşya yekser gişt werdin
ewraq eşcar gişt temam kerdin
baqî hîç nemend henî perêşan
mayl bîn be zêbiḧ ewlad wêşan
nan be tewatur meberdin namş
kes nimezana xo çêşen tamş
yek řuqye namê ze’îfey bê ’eyb
ama we goşiş hatfê ce ẍeyb
watiş ey me’şer tayfey qureyş
wexten perêtan şîrîn bibo ’eyş
wext erzanî û emin û emanen
wadey pêẍember axir zemanen
namş ce kewneyn daym ser tewqen
zihûrş mayey řozî mexloqen
baran nafê’ be wasêtey ew
mewaro pêtan çend řoj û çend şew
tefeḧḧus biken ce beyn wêtan
yek şexsê bizurg hane dilêtan
bała bułenden, sifîd endamen
guşad pîşanî, şîrîn kelamen
ew şexse çenî ferzendizadey wêş
hefit sałey ’ezîz, ḧeq pê dadey wêş
beyan we tewaf beytułłay ḧeram
baqî senadîd zumrey xas û ’am
we qelb tahêr we ’eqîdey pak
ce koy bûqebîs ser sawan be xak
ew şexse kero du’a pey baran
mabaqî me’şer gişt des hordaran
qureyş cey hatif çend şadî kerdin
pena we «’ibdalimtilb» berdin
watşan hatif we toş dan wade
îne to û ane hem ferzendizade
hatif menzûrş her ce to byen
yeqîn ẍeyr ce to kesê ter nyen
wêt û muḧemmed mabaqî yaran
ba yekser bişîn we du’ay baran
çûn seḧer tilû’ fecir awerdiş
«’ibdalimtilb» muḧemmed berdiş
tayfey qureyş her betnê dû kes
şîn we «bît alilhArabic» tîp tîp û des des
«’ibdalimtilb» ḧezret gêrit we doş
lała ne qapî settar siř poş
ew be dił du’a, yaran be amîn
qebûł kerd du’aş bînay bêhterîn
der leḧze hewrê awerdiş ce ser
řêzna seylab be emir dawer
hefit şew ta we řo wara we te’cîl
sara û serawan kerd we deryay nîl
tayfey qureyş erfe’ û eşraf
farẍ bîn temam ce du’a û tewaf
’ebdułła cez’an, mêsil hureyre
çend kes çûn şehab êbin muẍeyre
ce enfas to î řeḧmet wara
perê zêndegî dara û nedara
«’ibdalimtilb» meyl her we fîlla
cwab da watiş «alḧimdillihArabic»
xuđawend daym lutfiş ta ser bo
«anşalilhArabic» mebo bende perwer bo
ce ke’bey şerîf murace’et kerd
dîsan ḧezretiş çenî wêş awerd
xuđa ḧafîz kerd ce lay qewm û xwêş
ta yawa we toy ḧerem seray wêş
«’ibdalimtilb» nêsbet be ḧezret
fêşter ce ferzend mekerd mekiremet
de nefer ferzend berguzîde daşt
cwanan xas pesendîde daşt
her de wêney şêr be şadî û tereb
«ḧars», «’ibdalilh» hem «abulihb»
«miqum» û «zirar», «zibîr» û «ẍalb»
«’ibas» û «ḧimzih» hem «abutalb»
xisûsen «’ibas» merd meydan gêr
şêr bê endêş diřindey dilêr
beẍeyr ce «ḧimzة û ’ibdalilh û ’ibas»
şehîdan pak zat ḧeq şinas
baqî we ḧezret îman nawerdin
gişt we kafrî ce dinya merdin
bełam ew serdar qebîley qureyş
«’ibdalimtilb» bizurg xoş ’eyş
daym pey ḧezret we bê mudara
wêney dîdey wêş nigaş medara
menzûrş medaşt be dîde û be dił
satê ḧezretiş nimekerd ẍafił
ne camey xawda we şadî û peř qar
kes yaraş nebê bikeroş bêdar
her ḧezret meşî we dewan dew
mekerdiş bêdar ce gişt şîrîn xew
eger ce xełwet er ce ḧerem bê
her ḧezret ce laş daym meḧrem bê
daym her sucdey muḧemmed mewerd
her muşahêdey ê’caziş mekerd
mobet û řeḧimş nek wêney ferzend
her we dîdey ew mewerdiş sewgend
perê tefaxur dewr zemane
muttesêl ce lay xwêş û bêgane
daym her senay ḧezretiş mekerd
be mu’cêzey ew sewgendiş mewerd
mewat muḧemmed dinya û dînmen
dimay min her ew canşînmen
xwelasey kelam ew şay xoş êqbał
ta ’umirş yawa we sed û bîst sał