dir byan giftigwî aminh û ’ibdalimtilb û ançih rwî dade
From the Book:
Rewzetul Sefa
By:
Mirza Ebdilqadir Paweyi (1850-1910)
5 minutes
704 views
«’ibdalimtilb» ew şew çenî hem
pena berd derlad be ke’bey e’zem
mekerd munacat melała taw taw
ta naga dîdeş cew dem şî ne xaw
çigûnegî ḧał yekser watin pêş
xeylê dił weş bî ew be xwab wêş
derlad horêza nam ełła berd
’ezim dîdenî lay amîneş kerd
yawa we qapî qesir boy gułab
ḧełqe da we der perê «fitiḧ albabArabic»
amîney weheb tenhay dił xefîf
cwabiş dawe we deng ze’îf
«’ibdalimtilbArabic» taqetiş biřya
çûn kûrey ayr derûnş giřya
watiş dexîlim siza pêm meder
zûter we te’cîl qapî guşad ker
amîne derlad qapî guşad kerd
«’ibdalimtilbArabic» teşrîf we to berd
niga kerd pey nûr çêhrey amîne
dîş xałî menden cay ew xezêne
taqet pêş nemend derdem bêçare
des berd yexey wêş bikero pare
wat ew şu’ley pak nûr çêhrey to
axir we ko şî newnemam no
amîne watiş wezi’ ḧemiłim kerd
be yek ferzendê çûn duřdaney ferd
«’ibdalimtilb» watiş kon sa ko?
bawer nedarûn min we ḧerf to
çûn asar ew hîç dyar nyen
bo řas waçe pêm ’eyb û ’ar nyen
amîne watiş meber dił azar
xîlafiş nyen we perwerdigar
êmşew ferzendê ferzanem dyen
ce řubi’ meskûn řeng ew nyen
guzeştey ’ecîb waqê’at şew
yeka yek temam ’erziş kerd we ew
watiş tyûrat meẍlûbe kerden
naga ce lay min muḧemmed berden
îne leḧzêwen baz awerdişan
dîsan hem we des min siperdişan
ew murẍ sifîd mewînî we çem
wêş çûn perwane ew kerden we şem
muḧemmed berden wêney qewm û xwêş
daym meşẍûłen wêş şîr medo pêş
we parçey ḧerîr pêçyan ser ta paş
nimazo satê min bişûn we laş
«’ibdalimtilbArabic» hêcran keşîde
wat îse ce kon ew nûr dîde
dîdar pakiş be min binmane
henî cey fêşter mawer behane
amîne watiş hey hat to ce ko
metawî wênî dîdey mah no
çûn şexsê we teşt zeřnêgarewe
we yek dest êbrîq kes nedarewe
muḧemmed awerd xaw û xeraman
ẍusiłş da temam ser ta we daman
watiş ta sê řo ne perdey ḧerem
«dyar albişirArabic» newînoş we çem
«’ibdalimtilb» wat be zat pak
aro wêm ya to mekerûn helak
amîne zana çarş naçaren
«’ibdalimtilbArabic» dił bê qeraren
watiş ce fiłan ḧucrey munewwer
pêçyan we sof ałay bo ’enber
xatirit cem bo dił meder we xem
bişo ferzendit bwîne we çem
«’ibdalimtilbArabic» şadî kerd aẍaz
şî qapî ḧucrey munewwer kerd waz
cemał ḧezret bwîno we çem
kota bo ce laş ah û nałe û xem
dîş naga şexsê xêza wêney şêr
ẍeřřa we heybet des da we şimşêr
wat cew zyater pa nenyey ne wer
mekerût şeq şeq we mewday xeter
muḧemmed mexlût melekût byen
ta sê řoj mecał dîdenş nyen
ta melaykan ce beşaretiş
gişt neban farẍ ce zyaretiş
ragey kes nyen me’lûm bibo lêt
bişo dimawe sakin ber pey wêt
«’ibdalimtilbArabic» řû awerd we pes
ce xof ew şexis nekêşa nefes
lerziş şî ne dił we bê çend û çûn
pelapel berşî řû kerd we bîrûn
mayl bê kero qeza bî man’
pey qewm qureyş beyan waqi’
ḧerfiş şî ne bend, temam kewt ce deng
hefit şew bê zeban wêney lał û leng
cew dima we emir ḧeyî layenam
şewê hem zûter wer ce nimay şam
firîştan ’erş cew serzemîne
muḧemmedşan berd we lay amîne
pistan şerbet şîr pak ew
nyan ne dehan şerefnak ew
cibre’îl esbab gehwareş kerd cem
textey ’ûd taşa çenî çoy qełem
kerdiş pey ḧezret bêşkey mubarek
ḧazir bî ce ẍeyb temam tedarek
mîka’îl dest pêç ce nûr dirust kerd
êsrafîl yawa ser bêşkeş awerd
ḧamłan ’erş her yek qumaşê
her yekê we terḧ neqiş neqaşê
awerdin be war des des ce bała
faxrey beheşt elwan ała
pêçaşan we toy tay zeř bafewe
we parçey peř zeř sof safewe
«’ibdalimtilbArabic» farẍ bî ce ẍem
ce şadî ser berd we çerx heftem
çend uştir kerd zêbiḧ çenî çend eẍnam
sê řo ta êwar ḧazir kerd te’am
des des mexloqat we zyafet berd
zumrey senadîd qureyş de’wet kerd
persaşan ferzend to namş çêşen?
watiş muḧemmed, meḧmûd hem wêşen
«’ibdalimtilbArabic» ta yek řo berdiş
daxił we ḧerem «beyt alilhArabic» kerdiş
her çwar meqam ke’bey mu’ezzem
tewaf kerd temam pey ḧêfiz xatem
ew řo her ce sub ta ke xwer awa
munacatiş kerd her ta ke tawa
watiş êlahî şay kerem bê şo
muḧemmed to dan siperdim be to
ce şeř duşmen ce mekir şeytan
hem ce qezay sext bełay nagehan
ce dîdey bedan, ce qeza û qeder
nigadarîş key dehnidey dawer
ce «ki’bة alilhArabic» hêmmet xwahî kerd
teşrîf hem we toy qesir beyza berd
ew daney gewher şêwe şîrîne
ce no teşrîf berd we lay amîne
amîne watiş ey nûr dîdem
tewafit qebûł ey berguzîdem
dîđeş çûn dîđey ahuwan ce dûr
meřeştiş daym be surmey koy tûr
pirç mişkînş mekerd we şane
her kesê međîş xwêş û bêgane
roḧ wêş mekerd fîday cemałş
meftûn bê daym be nuqtey xałş