amdin cibir’îl bih nizd ḧizirit adim û saxtin misicd «bît alim’imur» û miraci’it adim û ḧwa bih sirandîb
From the Book:
Rewzetul Sefa
By:
Mirza Ebdilqadir Paweyi (1850-1910)
2 minutes
640 views
yanî we seḧray mekkey mubarek
kerdişan esbab tehye û tedarek
cibre’îl nezer mekerd we her xak
gişt mebî we xişt sîm û tełay pak
kerdişan mesrûf ḧesar ała
ḧesar yek nezer lwa we bała
namşan nya we «bît alim’imurArabic»
qîbley ’ałem bo ce nezda û ce dûr
«ḧicralasudArabic» text şay celîl
aferîd fiřey bał cibre’îl
firîştan ’erş fewrî berdişan
ce řukin ew beyt nesb kerdişan
qa’êdey ḧecic û tewaf ḧerem
temam nîşan dan, yek yek we adem
cibre’îl ce no adem wêda’ kerd
teşrîf xeyriş we asman berd
adem mend we ca çenî yar wêş
meşẍûł bî çenî kar û bar wêş
fesił tabistan ’eyn germî xwer
ce taw sebûn şerarey şerer
ce mekkey şerîf hêcret kerdişan
we koy ser’endîb menził berdişan
bînay ’emaret nyan pey wêşan
ferş ama ce ẍeyb çend dest perêşan
dîsan cibre’îl murac’et kerd
bezir û esase û ciftê gaw awerd
wat ye ew tuxmen to meylit pêş bê
řasen, xuđawend teqdîr wêş bê
bełam î dane we bê behane
îse ha danet, we xak bişane
cew dima çendê ber meyo ce xar
mawero perêt xerwar we xerwar
ce řahan çoł her zadit êđen
ta meḧşer xurak ewladit êđen