xibir pirsîdin şapur mikan şîrîn ra
From the Book:
Şîrîn û Xusrew
By:
Khana Qubadi (1704-1778)
3 minutes
643 views
danay xoş teqrîr ałay suxendan
şemmeyê bê terḧ bey terḧ kerd beyan
çûn şapûr çîn nadîrey řûy dewr
sakin bî new deyr keşîşan gewr
ce şexsê piř hoş danay şeker řêz
persaş eḧwałat şîrîn perwêz
ew şexis piř zeyn şîrîn řîwayet
kerd perê şapûr bey tewr ḧîkayet
wateş ne daman ew deyren ẍarê
hen têşda ce seng sya swarê
her sał maynê şox xoş řeftar
meyo be dawan mişo be ew ẍar
ce qeza bew ẍar ta ke myawo
wêş bew seng sext sya misawo
be emir ferman zat «za almininArabic»
der sa’et mibo ce seng abusten
her espê ce nesił ew sya sengen
temam xoş terkîb, xoş řeftar řengen
sextiteren sumimş ce seng xara
yeksanen ce laş keş û ko û sara
be watey esḧab piř ’eqił û ferheng
maçan «şebdêz»en ce tuxim ew seng
te’eccub îden er sengê cew ẍar
horgêrî derlad mibî sengisar
textê hen ne pêş maçan «elḧeraq»
wesî’ter ce çerx çemerîy şeş taq
’ecebter êden ce pay ew ẍarda
ew ẍar piř seyr ab û gułzarda
têşdan yek serê keften sya řeng
ha ne dewrşan dûsed sêsed sêsed seng
çiman řextişan weser xom řişten
sêław meynet pêşanda řişten
me’lûm bo ce lay ’arfan dewr
dana bizurgan şîrîn terz û tewr
xalqê ke zat pakiş bêçûnen
nîgarendey nexiş çerx gerdûnen
’îbretiş firen bab seyranen
dana ce kirdeş daym ḧeyranen
herkes negêro ’îbret ce kareş
bedteren ce xirs, mebîn dîdareş
«xana» řasten wesif «ḧey la yenamArabic»
ferzen pey zumrey nacyey îslam
bełê carê bo wêney «nîzamî»
şu’eray şîrîn nezim nadîrey namî
be řeḧiş mîdad xamey ’enberîn
bînaker dastan şapûr û şîrîn
pey çêş, ke xusrew întîzarşen
ce sewdaş sed koy meynet barşen
çun şapûr cew şexis cîhandîde kar
te’rîf şebdêz şineftiş bey tar
be çîhrey řûda destey zułf şew
pexiş bî çun dûy henasey xusrew
nimana zułmet çîhrey sewday
syater ce bext «xanay qubadîPen name»
ew şew new deyrda ta we subiḧ dem
û yaran çenî gewran we bê xem
çun seḧer ce nûr xurşîd enwar
serkiwan poşan nemeşey gułnar
serheng zułmet gurêz kerd be dew
gêła be qaqum simuř poş ew