ḧikayt kirdin şapur az şîrîn
From the Book:
Şîrîn û Xusrew
By:
Khana Qubadi (1704-1778)
5 minutes
700 views
nwîsendey nezim ey namey namî
bey tewr kerd tesdîq guftey «nîzamîPerson»
şexsê şapûr nam ferd ferzane
cîhan dîdey dewr şîrîn fisane
neqşibendê çun ew, çenî? piř şi’ûr
řessamê çun ew uqlîdis destûr
danayî çun ew belaẍet meşḧûn
peyda nimebî ce řubi’ meskûn
xaster ce manî neqaş teřdest
neqiş xeyałî ne řûy aw mibest
her şew ne pay text xusrew dara
çenî nedîman be ’eyş muyara
şewê horîza be sed îḧtîram
bosa pay serîr perwêz cem cam
axir watiş hey «zil alhîArabic»
zêbnidey ewreng feřbexiş şahî
bêḧed ne payey gerdûn şeş taq
tey kerdim cîhan afaq be afaq
ce lay«mehestan» ne deryay derbend
meryem qedrê hen dana diłpesend
ce nesil şahan e’lay qedîmen
wêney eskender supaş ’ezîmen
bes ke bê ḧeden genc û esbabeş
nimeyo ne zebit defter ḧîsabeş
ce cîns çareyî, ce murẍ û mahî
cem kerden temam ce genc şahî
şûş nyen emma be kameranî
muyaro dewran ey dinyay fanî
kûs xusrewîş wêney eskender
nałeş muyero ce çerx exzer
«şemîra»ş namen ew xał sosenî
şemîra be lefiz xełq ermenî
«hemîn banu»en esił tefsîrş
nyen ne ’ersey dewran nezîreş
fesił tabustan koy ermen caşen
lalew şeqayq gişt ferş paşen
weqit newbehar wêney destey guł
ne mułk muẍan migîro menzil
wadey new suweyl řeng řijîy řezan
nexiş nuxtey xał serpencey xezan
çun şabaz şux tund tîz perwaz
pey nexçîr be soz meyo be îcaz
zimistan «berde’» çun hewaş germen
firawan weşen, nesîmş nermen
çun ahwî mîşkîn meh beřey sawa
şox şox mest mest mişo bew mawa
çun tetar şox kemend ne pîłen
bey destûr çar fesił ne geşt û gêłen
ye çendê sałen ta be řoy aro
bey tewr we şadî dinya muyaro
warîş nyen hîç kes ne cayî
bełê ew daro yek birazayê
ne ’ersey dinya wêney ew diłber
nyen ne perdey xaqan û qeyser
xeylê ew neqaş cîhandîdey ferd
te’rîf û teḧsîn «mehîn banû»ş kerd
cewdima be wesif şîrîn ermen
kerdeş bey destûr wêş şeker şiken
watiş hey xusrew keyxusrew sîfat
ew şexis bey destûr ’erz kerdim ce lat
qametiş qyam qyamet xêzen
xeramş aşûb řoy řestaxêzen
pêşanîş pirşing nûr cêş mixêzo
ḧusinş bûm qurs qemer mibêzo
ebroş qulley qews sext piř zoren
xedengiş ta ḧeşir zamş nasoren
moreş çun xedeng encum
er bigno we seng ta peř mibo gum
«ne’uz byalilhArabic» ce ẍemze û naziş
ne nîm nîgay naz dîdey şehbaziş
sewgendim bew tac şehenşay cem ca
ew şîx murşîd ne «ki’bة alilhArabic»
bwêno we çem şoxîy şêwey ew
çîn destey zułf lûl lêwey ew
çun «şêx sen’an» mwîno zunnar
mişo ne mezheb tayfey kuffar
’eceb załmen kuşnidey bê pîr
hîç kes be kemend gêsoş nebo gîr
serşan, şoxen, şîrînen, řenden
şewqiş şołey şem’ kafûrî senden
herçend ke midyey çun «tersa»y çînî
hîçiş kem nyen ce nazenînî
xał naw lîmoş ẍaretçîy dînen
zêbendey serkar fexfû çînen
baş xatûnan îran zemînen
behay her maçiş mułk maçînen
boy tûřeş çun naf mudbîrey xuten
mîşk amêz kerden sara û koy ermen
le’ilş wêney lał daney bedexşan
têşda çend daney mirwarî řexşan
bînîş çun enguşt ałay pêẍember
maçî be î’caz şeq kerden qemer
yek nuxte xałê şew řeng bo naf
ha ne pay zinciş çun feyrozey saf
herkes mwîno nuxtey ew xałe
mibo be watay pey hezar sałe
mînay gerdenş çêş waçûn çûnen
řexşanter ce ’ekis duř meknûnen
sîneş şewq mido çun sitarey şew
ne ḧed wiyerden wesif lîmoy ew
ser ta paş çun sewł saway new xêzen
nafey mîşk ce boy naf’î leb řêzen
ahûy xuten xêz bo ’enberînen
çun şîrîn şêwen nam’î «şîrîn»en
nyen be şoxî y ew naz senem
hîçkesê nedyen ’ereb ta ’ecem
çun ḧełqey zincîr zułf desteşen
heftad peristar kemer besteşen
destey zulfanş gişt bo ’enberen
her yek ce yekê şox û şeng teren
şîrînen çun qend řêzey řazşan
xûnřêzen daym ẍemzey nazşan
migeran be xesim ne řûy ’ersey ceng
be ḧerbey xûnřêz dewr dinya teng
maçî bałaşan ce nûr siruşten
ewan çun ḧorî «ermen» beheşten
«şîrîn» welî ’ehd «mehîn banû»en
çun mehîn banû ewîç bê şwen
ew mehîn banû şay sosen xałan
salar serkêş ew newnîhałan
ne serkarişda espê bad bêzen
çunke şew řengen nameş «şewdêz»en
be řeftar ce bad subek xêzteren
şaystey şahan saḧêb efseren
her ne perwazen daym we bê peř
zincîrş tała, mêx zincîr ce zeř
şapûr neqşibend nadîrey řûy dewr
pey xusrew yend kerd te’rîfiş bey tewr
bedter bî ce qeys sergeştey eyyam
zeře pêş nemend ’eqił û hoş û fam
sułtan şadîş ne sefḧey zemîr
gurêza be cext çun bad şebgîr