giftar dir ḧizirit aqdis kih wi’degah dîdnî miḧban ast
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
3 minutes
415 views
her weqit kerdî meyl dîdenîy eḧbab
meyo be řukûb buraq be şîtab
ce ḧîn řukûb meřanî buraq
pey ewkes bey tewr mebo îttifaq
herdû pey meqsed be îttifaqî
ce ewset řah meban mulaqî
yek ’alî dirext waqî’en new ca,
textiş perçemen piř xeyme û xerga
neş’et hewaşen piř ’eyş û unsen
îsim ew meqam «ḧizirة alqidisArabic»en
ne da’îrey ḧewz tekmîlen kursî
hewaş mufeřřîḧ, seḧraş etłesî
menîşan be hem herdû be diłwaz
berg ew şecer deng medo çun saz
bew şerit ew kesan cey dinyay xerab
nekerdebo sem’ temûrey řubab
eger yekêşan kerdebo mesmû’
pey uxraş hergîz nimebo memnû’
çun seday neẍmeş deng medo ne goş
ne za’îqey zewq meyo be xuroş
ew kes kerdebo samî’ey ḧeram
nekerden tewbey îxlas ce eyyam
posen îradey şah bê nyaz
nîyen ce sem’iş ew neẍme û awaz
ta hen îştyaq herdû be lu’bet
menîşin newca be ’eyş û ulfet
herdû arezûy yek meken sema’
herdûşan ce yek meken «aluda’Arabic»
meken pey xane be dił arezû
ḧazren buraq newca pey herdû
her yekê pey qesir wêş mebo řewan
meken îstîqbal her dû ḧorîyan
her yek be new’ê mebîno xidmet
dest ce ban dest be ’îziz û ulfet
ce řenc û elem, ce ’eyb û ’îllet
cumle berîyen xelqendey cennet
hem buẍiz û kîne, hem buxil û ḧesed
nimebo ne ehil cennet mu’ebbed
hewaş ne řeḧmet zat xalîqen
şeb û řoz ew subiḧ sadîqen
pey pey nesîmey subiḧ seḧerî
medo ne demax ’etir ’enberî
’alem ebedî newca muqîmen
ne ’îciz û ḧesret, ne beła û bîmen
ne pîrî newca daro nîşane,
ne ecel ne pey gêro behane
memnû’en new ca her teqwa û ta’at
ne numaz daro ne řoze û zekat
mewcûden ce pêş her new’ xurdenî
nedaro «aslaًArabic» cuz’ řîdenî
et’îmeş bê derd cumle sefweten
teqsîm ’urûq quwey şehweten
be ẍeyr ce ’ereq yeqîn ken temam
nedaro mexrec ekil her te’am
ẍusił be’d cem’ nîyen ne cennet
azaden her kes ne muzd û mînnet
hem xwab û ẍefłet, hem sehu û nîsyan
merfû’en cumle ne ehil cînan
ferq muzekker êden çenî ḧûr
ne xeddiş yek xet sebiz mebo zuhûr
şu’ley ḧusin merd ne cennet çun şem
piřtew mebexşo çun şems çarem