giftar dir şicirة altubî
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
1 minutes
480 views
yek dirext daro ’alî menzîlet
ḧeq be lutif wêş sazan ce qudret
serazêr aman awêzan ’erş,
şaxiş be her qesir cennet bîyen pexiş
îsim ew şecer faşen be tûba
heşt qît’ey cennet kerden îktîfa
zeytûnen ce lay be’zê mufessîr
be’zê dan nîsbet tûba be encîr
ne ḧucrey wêşan her kes ce kursî
şaxiş menmano ce toy ’urûsî
nefis her mîwe kero îştîha
der leḧze peydan ce şax tûba
ne toy pencere meyo ce bîrun
zerfiş mucewher, serpoş sernîgûn
enwa’ tuyûr meyo, mewyero
nefist be her kam îştîha kero
be her new’ kebab kerdî arezû
bew new’ ce tebeq ḧazir mebo zû
ce ekil te’am nefist kerdî sêr
ce post û êsk îḧya mebo têr
bê bey’ û xiřîd bê řenc û te’eb
mewcûden eşya her çî key tełeb
îştîhay nefist be her çî kerd meyl
ḧazren bê řenc, bê mîzan û keyl,
ne ’ersey her ḧewş yelxîyen buraq
herdem ḧazren mukemmel yeraq