nisîḧit namey pincim, aksirş ḧidîs ḧizirit risalit pinahîst
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
6 minutes
593 views
derwêş guşad ker dûkan ḧîkmet
enfe’î îxwan, genc piř qîmet
mektebxaney tîbib qewl etîbba
«zibidة aliḧkimة, anfi’ aldiwaArabic»
her kes kerd xiřîd emtî’ey ḧîkmet
meḧfûzen ce feqir, salim ce ’îllet
etîbba wey tewr qerar da nîzam
sîḧḧet tełebî kem bixor te’am
ře’is her merez piř xurdenîyen
hem ce xwab řoj, şewnşînîyen
bixor her te’am to be xatir xwa
mano îştîha to dest ker kota
dimay ekil û şurb gerdiş ker medam
er mumkîn nebî, ḧedîsen, yek gam
et’îmey piř germ dehan meko zerd
me’îde ce hezim te’am meko serd
menîş û mexwab ne cay řutûbet
medo řexawet, mestano quwet
ḧepis bewl zerer daro bê ḧîsab
şew, er bêdar bît ce xew, menoş ab
ce weqit xurden nan meřêz be xak
çun řêza bixor er cageş bî pak
ekil goşt çenê ḧełwa û nan nerim
zyad meko zîhin er piř neban germ
ce nan û te’am pesmendey mûşan
terkiş ker, mexor; piř daro zyan
hergîz meker bewl be îstade pa
be řûy awêne şew meker nîga
hem biker ḧezer to ce îstîbra
cew qetre ’ezab qebren huweyda
be ’uryanî xwab merd meko feqîr
qelîl mebo řizq ce xwab kesîr
da’îm ḧezer ker ce xwab tenha
řû be řa mawer hergîz bê hemřa
şûmen er be şew xane ken carûb
xemen er xurden xurî be cenûb
her kam meḧbûs bîn xurşîd ya qemer
zereren pey ’eyn pêşan key nezer
xamoş meker şem’ be bad dehen
şûmen, dest mezen ne zêr zeqen
piř nezer meker be nûr ateş
bînayî ’eyneyn mebo muşewweş
çîhre meker pak be çak daman
her çoyê mezen be bêx dindan
ulfet kem bider be tîfil û zenan
herdûşan be ’eqił mebexşo nuqsan
hîç meker nezer be ferc mirdar
beyt ’enkebût ce xane meguzar
ce beyn suqaq me’îst, bugzer
be merd mesłûb hem meker nezer
ce betin bînî enguşt bê cîhet
meker be ’adet, mebexşo mîḧnet
bipoşe şełwar wêt be nuşusten
medoz elbîse ta hen ce beden
menyer be balîn wêt hergîz şełwar
qyam ker her weqit mepêçî destar
dû dest be zanû, ya dest be cebîn
terkiş ker, herdû merd meko ḧezîn
meřêz bewl be dirz zemîn her zeman
cînnîyan newca mewanan qur’an
ce ab řakîd, ce muḧeddîs ga
biperhêz herdû ce bewl xela
piř řeften be pa pey ’eqłen xîffet
nîgay nameḧrem mebexşo ẍefłet
ce nîsa û eẍnam, uştir û sitûr
xeteren ce beyn her çwar key ’ubûr
merd be piřgoyî ce nas mebo xwar
nîsyanen mexwan xutût mezar
wêt meker tiraş ce toy qedemga
meřêze tiraş qełem zêr pa
şenbe û yekşenbe, sêşenbe yekser
hem naxûn mebiř, hem metraş ser
meber mûyî řîş hergîz be dehan
be naxûn mesaw dehanit her an
ce ustad wêt ce ḧîn guzar
meber pêş qedem be leyl û nehar
cay cînnen ḧudûd saye û aftab
menîşe û me’îst, bugzer be şîtab
dest meker be toy xak û xaksiter
ẍubarş pey enf û ḧulqûmen zerer
perhêz ker ce ẍeyr be şane û mîswak
qubḧen îstî’mal herdû îştîrak
berg sebiz pyaz meřêz û mesoz
ya ce toy taq bo ya ne cay meḧfûz
çun sîm û zeřen ce lay cînnîyan
eger bisozî mebînî zyan
kesret cîma’ ten meko ze’îf
piř tirşî xurden ’eqił meko texfîf
salimen ba zen newřeste cîma’
bewl dimay cîma’ daro întîfa’
ce ḧałet cû’ ya ce piř xurden
ḧemam zereren pey me’îde û ten
hem ce toy ḧemam piř meker şîtab
çun kerdî ’ereq ewsa biřêz ab
hem ce toy ḧemam pişt be řûy dîwar
sistî mebexşo terkiş ker zînhar
walîdeyn be îsim wêş meker nîda
hem feqir û hem fexir cêş mebo peyda
zînhar ce ḧemam te’am mexor pêş
’îlley îstîsqa eser meko cêş
cîma’ ce ḧemam daro tehlukat
medo xefeqan, ’îlley mufacat
er abê ẍayet germ bî ya serd
ẍusiłş tehluken, cêş peydan her derd
ab germ û serd be hem byamêz
ferq be dest bigîr ewsa ab biřêz
ḧedîsen ce leb «sîd al’enamArabic»
’afyeten newm fî «bi’d alḧimamArabic»
êden ’eqîdey her ehil sewab
ce eşyay kerîh biker îctînab
ce yek şeb û řoz xew ce hefit sa’et
’îlleten er kem ya bêş key ’adet
hay seřřaf bigîr edwîyey ḧîkmet
mebexşo be cîsim û me’îde quwet
bê bey’ û xiřîd, bê ḧîle û efsûn
ce her me’denat sazanim me’cûn
çunke wacben hem ḧîfiz wicûd
perê îta’ey xellaq wedûd
ha pey ḧebîban yaran diłbend
bestim barxaney parçey dił pesend
hay cihêł tertîb dinya ḧîkmeten
esbabiş ce derd û řenc û mîḧneten
her kes qubûł kerd zemaney ẍeddar
cebrî meẍdûren ce emir efkar
me’şûqey piř naz fîtney afaten
’îlley ’uşşaqiş cumle meraqen
her gah bey tewren pey merd ’aqił
bê meyl bo ne ḧub meḧbûbey batił
terîq ḧeqîq bigêro ne pêş
zexîrey uxra cem kero pey wêş
meḧbûb ḧeqîq zat bê çûnen
baqî ḧebîban ḧîle û efsûnen
derwêşPen name to wey derd dam beławe
bey kûrey derûn dûd syawe
binał ne dergay ulûhet pena
biters ce mîzan tehlukey ’uqba
girye ker pey ḧał guzeştey eyyam
bider beserda ta «yum alqyamArabic»
ḧeyf nebî bey tewr ’umirit kerd telef
kerdî feramoş sedemey selef
farîẍ ber henî cey xeyał xam
guşadker terîq îdrak û îfham
be nefis û îblîs meker îta’et
peyda ker toşey qebir û qyamet
her çî mebînît fanîyen temam
her zat ḧeqqen baqî, «walsilamArabic»