têkî den
From the Book:
Paşmergey Qani’
By:
Qani (1898-1965)
2 minutes
774 views
kakî kurdî hejar û diłgermim
gwê gire sa le bangî bê şermim
bo le naw nîştimanî pîrozit
dîl û meḧzûne lawî diłsozit?
bo zimanî fesîḧî bapîrit
ya biray xoşewîstî hawşîrit
men’î ken lêt be zebrî têhełdan
bitxene kunc û qujbinî zîndan!?
bergî qewmî ke fexre bo kurdan
men’e bîkeyte ber wekû yaran
boçî kufre be kurdî nûsînit
basî bapîr û ḧukmî dêrînit!?
bo nexwênin le wesfî řaburdû
basî sasan û mîdyay zîndû!?
bo newêrî ḧiqûqit dawa key!?
aşkira bangî kurdî bo hełdey!?
bo newêrî biłêy ke min kurdim!?
mîlletêkî beẍîret û gurdim!?
ya ebê boçî newtî dizrawit
mayekey beş ken le berçawit!?
boçî ałtûn û zîwî em xake
wa le gîrfan û noşî «kolak»e!?
ya felay beşxurawî mandûy pîr
nanecoyekî bo nebê desgîr!?
ya kirêkarî řût bebê firman
zyad lemanîşe, kuştin û lêdan!?
çek be des bedfesał û dêwane
nokerî xasî koşkî şahane
řezmi’ara û nûredîn segsar
bûn be celladî qewm kurdî hejar
qet le bîrit neçê heta mawî
«qesrî qacar» û bergî xwênawî
şaperistîy binêre jêr pêław
dek be leḧnet bê şah û textî giław
çende xoş hate ser nîgarî kelam
şa’îrêkî hejarî bê aram:
«têkî den, lêkî den, le yek ana
sûk û sengîn nebê le mîzana»
«bulşiwîkî ast xizir rah nicatPersian
bir miḧimd û alh silwatPersian»