nusxey ’işq

From the Book:
Dîwanî Seyd Yaqoy Mayîdeşt
By:
Seyd Yaqo Mayidasht (1808-1881)
 4 minutes  544 views
hamseran tew bî ...
sałê ser ta pam le kûrey tew bî
bêmar bîm qwetim lebar û lew bî
sifîdî řû jem syahîy şew bî
bar ẍem ne doş melûl mat bîm
sefer kîş řay hat û nehat bîm
pyałey şerbet ecel çêşim bî
çenî ’îzrayîl gerden kêşim bî
ga ax mekêşam gahî mewerdim
her satê tonî xeyał mekerdim
dindan teme’ dunya kendebîm
we laşey mirde û ser zînde bîm
dîm desê ama bigêro desim
watim qabzen ama pey qesim
min ke bêhoş bîm, bedter çî hoşim
dîm sidayê we nerim ama we goşim
wat hey derdedar dûr ne sefa û seyr
mer to çêşten ’aqbet we xêr
min xo lał û leng bêhoş keftebîm
hergiz ḧerf xêrkes neşneftebîm
bełê ey sida şineftim we goş
çûn aşna bî lêş amam we hoş
goş dam we dengiş hûnim awerd coş
çûn aşna bî poş pêm hoş awerd
watim saḧêb deng esiłit ’eyan ker
kes nimeşnasim namit beyan ker
wat hey derdedar je derûn ’asî
bał çew werdar bełkem bişnasî
dîdem tem awerd bwînim zengiş
ema yekřîzî goş dam we dengiş
dîm lehce lehcey leyl xoş eda
xemyaze kêşam eksem we pit da
haz hat we zanû, qwet hat we dił
yawam we ’irq şikofam çûn guł
çeng miḧkem kerdim ne řûy damanş
girîwam û zar bîm we amanş
watim ye tonî bê řage û řewişt
bêzar je xasan, meyl mayl we zişt
to her lesan pêrareket bî
herye şerit bîyen eqrareket bî
min watim saq bûm diłşadim bikey
newatim le merg azadim bikey
welḧasił her to teqsîrit nîyen
guł şoxeyl şuẍilş bêbefa bîyen
barê fikirê ker we řeng zerdim
qewłim amanen, giranen derdim
dîm řûş sifîd bî şay sûsen xałan
çûnke ḧałzan bî, ḧałzan ḧałan
guşadîy leban bedexşanî kerd
ẍumçe şikawa duřefşanî kerd
wat ḧałit çûne? watim peşêwe
wat herwa bîyen eḧwał lêwe
watiş ye laşet germen le çêşen
watim dił agir dûrîy to têşen
wat hûnit kem ke ey berguzîdem
watim cocoy hûn meço le dîdem
wat er derûnit piř zexim řêşen
le mîwey baẍan meylit we çêşen
watim er ḧekîm îḧsan bikê pêm
sêb tełayî zinexdan sêm
er sêb zinex des nedey wehem
sêlim mekêşo we enar mem
wat îmcaz enam derdit çi derden
’ałemê wey derd bêderman merden
çû natew xeman xem kerd bałanit
we yad cefay berdey sałanit
nusxey dem we pêt derdit dewa kem
dewayê meyeme pêt kamit řewa kem
’umirim ’ezîzim ceyran řewştim
dawdileyley nazaran kuştim
ew nusxe watî deway min têşen
ew nusxe kamen ew dewa çêşen
xurfey ḧub mirwarî
minîşî ne dûrîy dest ’etarî?
kerdin lêşen
wêman mwaçîm koçan sipîşen
ab sêb zinc ’etir lîmoy mem
pey çaşnîy heryek qatî ker wehem
ew dewa ha new ab ’ereq
we kasnîy ’ereq gonay guł wereq
biřêz le ketrî mîhir û befa û beyn
abdo ha new îşarey ’eyn
biřêziş le řûy giřey nar dił
ta ço diłey wêş xas beyo we guł
û kirtey ḧerîr camey safiş ker
daxił we fincan ḧuqey nafiş ker
le şam dû fincan seḧer sê fincan
ser we xêr mewî le derd řencan
le fincan subiḧ bêqeza mewî
le fincan şam maderza mewî
des da we hemda wat hey bêdadim
sedḧeyf guł xetmî berçî le yadim
watim hey xanim xetmî dûr nîyen
xot xetmî kerdî xetmî zerûr nîyen
minîş guftey ew weca awerdim
le dewłetî leyl dewa bê derdim
lewsawe deway luqmanîm werden
xizir’asa bîme laqeyd we merden
lewsa sey yaqoPen name laqeyd bî we derd
ye’nî şefam da zat yekta û ferd