şînî řezaşa
From the Book:
Sirwey Berbeyan
By:
Qani (1898-1965)
1 minutes
1072 views
ḧesreta bo mergî tiryakîy giław
mefxerî tiryakîyanî myandiwaw
ekber’abad dûr le to bê řewneqe
řûspî bê berg û nane û beşbiřaw
muşterî û şagirdî naw meyxanekan
bot zwîrin, ser be quř, hîwanemaw
bot peroşin, dił be xem şîwen eken
bengifroş û bengikiř û dimłekdiřaw
şîn egêřn zor be kuł bo mirdinit
poxłey bêqîmet û qinghełçřaw
cerde û tałankeranî bêřewişt
destepaçe û serkizin, ejnoşkaw
bêş’ûr û serserî û ḧîz û teres
bot enoşin şerbetî merg û zûxaw
řojî mergit řojî cejne bo wiłat
bezim û ahenge le naw pyawanî pyaw
pol be pol gewrekçan û şořejin
wa le sîng xoyan eden ’etir û guław
.....................................Missing
maşe û menqeł xumaryan dêt le çaw
sałî topîntim le şapûr wîst witî
«ker ke topî řaydekêşin bo kenaw»