nameyek
From the Book:
Sirwey Berbeyan
By:
Qani (1898-1965)
2 minutes
647 views
biray nadîde! yarî hawzamim!
dûrawdûr fereḧ diłey nakamim
nergist serkiz, diřkî muẍîlan
kwêstanit milkeç, tûnkey byaban
biłê be yaran gencî nîştimanî
gewre ta biçûk le sulêmanî
kiłaşî bawik û derpêy bapîrit
boçî be naḧeq wa çû le bîrit!?
ew bo hełmetî bo derpê nebird!?
teqley gurûnî qet le ser nekird!?
fezłî goşt masî da be mil kewda
«yaleylî» ewt le nîwey şewda
be loqey ḧuştir, be topzî qîr
esp û xencerî toy hênaye gîr
kake gyan boye ême bê nûrîn
herçende kurdîn, zor le yek dûrîn
ax bo zemanê dem le naw dem bê
dił bê tirs û xof, derûn bê ẍem bê
des bigrîn be yek, ême û gişt yaran
seyrî kwêstan keyn le ser dyaran
biçîn bo meydan, bo seyrî lawan
be paş wergeřê řesmî serbazan
řîzî supaman merhem bêt bo çaw
yaxo şerab bêt bo cergî biřaw
girme řast û çep be serbaz gutin
dengî yasîn bê bo řoḧî dujmin
wirşey fîşekilẍ, birîkey xencer
řîşey bednîhad derbênête der
řîşey bengifroş le bêx derbênîn
ḧeqî eylûlman wek şêr bisênîn
bo xoşî ewsa misafret keyn
bwêrîn serbest nawî xoman beyn
sirûd bixiwênîn be ałay kurda
xefet nemênê le gewre û wirda
paş eme mirdin zor xoşe lelam
«ełaْmeru mînْkumْArabic», baqî wesselam